CHONGVENBÜ 6:2 - DAÜLANGPÜ LAIHING (BSI)

² Hangkui napü kenpü meheiyao taoei nenyuhen shingvaishi Kahvangi jom kü mophimo, angpüdeipü hatü dhüm shuohteke, shejao Kahvangi jomphong hapa kü hüshemei netuhnyu, shejao yenpa hüki hathü hahtüknyüke. Hapayao angsha; hapayü ahshi mong kü tüngbenüng khih.

CHONGVENBÜ 6:2 Referans Kwoze

CHONGVENBÜ 5:19

Nyeinya vaishi, Kahvangi shennyak hük kü mophimo hatü dounyünangba shuohhen, hatü büpai dükpü kü vampü lem kü büpa mongonghen, hatü hapa kü hüshemei nyuhen vongbong; mehenangkü hapayü Kahvang leipü thintho khih.

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

MENVIH KESHO 73:7

Jomei mongdang leipü ten bhuei vamnyüke; hatü küpjan nemeipü tempai jomei sholi nekongi nyunyüke.

1 ONGPATHÜ 3:13

Ngei nüng kü nüngi neyüpü mophimo hatü dhüm nüngei den kemei kü shuohhen; üpa ongao nüng mü neshetnephenaokpih.

YOUNG LAI 5:2

Hamei mükjüp mihthüng angpai yahlang, hamei bükhishem kü yenpa uodai.

MENVIH KESHO 39:6

Hingmei peüha vangdhüm laang keiha longteinyüke; meheyao nevaihen kü shangpongei nyunyüke; Jomi thaiyei shüngnyüke, shejao ha üpai yahlanghennenyingnyu.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

CHONGVENBÜ 5:16

Hapayao ahshi-üng nemeipü mang khih: Shennyak hük peipü keiha lüdainyeih, Vanglük phei changteipü keiha dükpü kübü mehe nanglei nyüpa?

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

2 SHÜPPÜKENGPÜ 1:11

Kahvangi Solomon kü, “Mehenangkü hapa mon nüngei mongei nyupü nangkü, nüngi mophimo, dhüm nevaijü vepathü neühen hatü yangnyu shosho neyü, shejao nüngi ong vaihen tuhpü ngelei nanglak shak kü vanglem lemhen kihikon hatü nyingpühingpü yüpü nangkü,

1 SHÜPPÜKENGPÜ 29:28

Büpa meishi behe leiyei, viüei, angeideiyei nyutü longi dhüm kohshi di, hatü cheha Solomoni büpa kü jei.

1 SHÜPPÜKENGPÜ 29:25

Israel am peüi eeshi Shembüpai Solomon shangei longei anshih, hatü Israel kü shelei üpa ongpaiyao nedangpü müknyinshekhang büpa kü shuoh.

SHAHPHENBÜTHÜ 18:10

Mechem ammi hapa ching ngoihenshang, lanshei lapja, mih kü mong nelempü neshiüpü nanglakthü eehen hih. Hapa kahmükü longi longshi hatü mepaiyao netaonenang; Kahvangi hapa kahdok ammei lak kü shuoh-ei nyüpeih” shei e.

SHAHKÜP 28:43

am mü chem kü nyupü benhayahai nyeinya shaopüpa aonghen shejao am phangei dungei shühen.

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

CHONGVENBÜ 5:13

Vanghenyü phangkü ahshi-üng nemeipü mang ngei eetepih: Shemmeithüi jom shanghahpü nyih nohen mop jaoei tuhnyüke,

ISAIAH 55:2

Hahying nevaipü kü mehekei ammi lop tüknya? Mepai am hüneshemhü, ha kü mehekei nang mahnya? Ngei epü kü kenhingei bangtuh: mehe mei, ha hahtuh, hatü hetmei kü mong hüshemtuh.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.