CHONGVENBÜ 5:8 - DAÜLANGPÜ LAIHING (BSI)

⁸ Kahmük hük kü taopathü hanghipü, hatü jom kü shahhing hatü jiüpü nedükshuoh-i eejü nüngi hapa kü tethama; mehenangkü lakchongbü hük kü büpa dok kübü lakchongbü hüki veinyüke, hatü jijiphen dok kü shao-üng lebü lakchongbü longpüthü nyüke.

CHONGVENBÜ 5:8 Referans Kwoze

CHONGVENBÜ 4:1

Hapheikü shao ngei veishuoh shingkü vanghenyü phangkü shüveiteipü lemphü ngei eeteke. Ngei shüveihahpüthülei mükphi eetepih, hatü jomphong nyiumeihühen üpayao neshiü;

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

CHONGVENBÜ 3:16

Nyeinya vaishi vanghenyü phangkü ngei lemhük eetepih. Shahhing epü touei shahshem eetepih; daülangpü shing kü mang eetepih.

MENVIH KESHO 82:1

Kahvangü shahthai longpü kü ong uoshing kü uonyeih; büpai kahvangthü kü shahphenpü shuohnyeih:

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

PHONGSHANTHÜ DOU 12:23

Shejao büpai Kahvang kü müknyinshekhang neshuohpü nangkü ngangahük kü Shembüpalei vangsho phongshani büpa kü bhei, hatü büpa laongi hah-ei di.

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

LUK SHAHSHA APPÜ 1:32

Büpayü longpü nyuhen hatü büpayü Chaipübalei Ha shei nyükhen, hatü Shembüpa Kahvangi büpa kü chebü Davidei ong uoshing shuohhen.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 8:6

Jeiyong Shembüpai hapakei enyüke: Hapa hepak kü-üng aopü nanglakthü shingvaishi neaokbenüng vaihen aok, shejao hayü ngei shingvaishiyao neaokbenüng je? shei Jeiyong Shembüpai enyüke.

MIKA 2:9

Ammi ngelei nanglak nyühathü jomi bampü ngamshem kübü changtük; Ammi ngelei moihiman jomei hapeüthü leipü düngeipü shing yahlang.

AMOS 6:12

Koyeithü yaongvak kü moknyu je? Shennyak hüki mohoh müshi yungching shangkü han hoknyu hiang? Shejao ammi shahhingü leü nemeipü leitük, hatü daülangshemshepü shahyakpü betjük leitükteke.

AMOS 5:12

Mehenangkü ammei mang meshük longpa ngei nyingei nyüpeih. Ammi daülangpüthü kü shüveinyüke, hatü yawhdou yahnyüke, hatü ammi shahphen shingei taopathü kü shahhing shahphenpü neshuohnyu.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 37:36

Hapheikü Shembüpalei vangsho phongshan vamei Assyria amei baümtap leipü veshan 1, 85, 000 jüteke; mechem vangngai meipa, peü didaitü nyuteke.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

ISAIAH 3:15

Ngelei nanglakthü ngümtükpü, taopathülei dhe nihtükpü mehe lappüang?” shei Shembüpa, Jeiyong Kahvangi enyüke.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

MENVIH KESHO 95:3

Mehenangkü Shembüpayü longpü Kahvang; hatü kahvangthü peü shak kü longpü Ongpa.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

MENVIH KESHO 55:9

Oh Shembüpa, jomei ehishei peü nepongpaü-i leitüktuh; mehenangkü ngei chingnyülei iy-aongmasha, dehilao eenyüke.

1 JOHAN 3:13

Jeihinaü hatü nyahinaüthü, kahdoknyüi am kü jiühitpü kü am tethama.

1 PETER 4:12

Bampü küphüthü, am kü shaang ngangahük kü lemhük vamnyukei am kü dokpü homei ponghahpü kü thamaei tedeih.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

KANDOK 22:16

Laophü shemmei leihen nangkü taopathü kü shüveiyei, hatü shemmeithü kü thintho shuohjema, nüng taohen.

KANDOK 24:12

“Hami ha nang nenyingangpih” shei nüngi ejema, mongdang dokpü Kahvangi hapa ne-eehen je? Nüngei yangnyu yompübai ha nenyinghen je? Shennyak peü kü laophüi dükpü aimü neshuohhen je?

CHONGVENBÜ 5:9

Kahdok kü vampü mop peüi hahnyüpeih; ongpaiyao kahmük kü vampü hahying hahnyüpeih.

CHONGVENBÜ 7:7

Mechem kon kohpü shennyaki hanei am kü ühünghenshang, büpai ngapa kei dou düknyüke, hatü yawhdoui mongdang mangtüknyeih.

CHONGVENBÜ 8:9

Vanghenyü phangkü dükpü lemphüli kü ngei mongshuoh-ei veishingkü ngei hathü eeaokpeih. Mechem shennyak hüki lebüthü shak kü vanglem lemhenshang, laophü nying kü mong kü ma yahpü hepak hük nyüke.

EZEKIEL 18:18

Shejao laophülei mang nangkü chepa dihen; mehenangkü büpai aeteisheyei, laophülei jeihinaüthü leipü güh-ei nanglakthü touei mehe mang, ha dükteke.

2 SHÜPPÜKENGPÜ 26:10

Büpai jahpanei shangdü longi ling, hatü yungkukthü longi kuk; mehenangkü kahshangla hatü kahjilei yemhimak longi haümshi nyu, hatü büpai shangchingthü hatü kahjilei kahling am hatü nyalingngupai kah lingpüthü longi tuh; mehenangkü büpai kah linghen kü longi kenteke.

JOB SHAHSHA APPÜ 24:23

Büpai jom nyiumei kü yangei tuhhen aok, shejao büpai jom kü hingmei veishi nyunyeih.