CHONGVENBÜ 5:1 - DAÜLANGPÜ LAIHING (BSI)

¹ Shembüpalei shemei mechem nüng daihenshang lakhila kenhingshi daituh. Jiüpü nejiüpü nenyingi ngapa kei moila shuohpü leimeyü yopailei heih-ei banghahpü-üng meipüba.

CHONGVENBÜ 5:1 Referans Kwoze

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

MENVIH KESHO 89:7

Daülangpüthü thaipü leiyao nyempü Kahvang, büpa shonei thaipüthü khong kao longpü hatü nyempü.

JOSHUA 5:15

Shembüpalei veshan mübüi jangei, “Nüngei la leipü lathuth huktüktuh; mehenangkü nüng yaongpü shingü daülangpü shing khih” shei e, hatü epükei Joshua-i lathuth huktük.

MÜLANGPÜ 3:5

“Nüng yopailei teheihkei. Nüngei lathuh bhühtüktuh; mehenangkü nüng yaongpü shingü daülangpü shing khih” shei Kahvangi e.

HEBREW 10:26

Jeni shahhing nyingpü yahpheikü nyingshangi mang thah-ei nyujema, henüng mangthü shingvaishi jakpü moila aoei neshiü,

1 KORINT 11:22

Meheang! Am hahhen yinghen shem neshiüpü je? Nevaijü ammi Kahvangei attoi nyonghütü meheyao neshiüpüthü veühünyu je? Ngei am kü mehe ephahen? Ha nangkü ngei am kü vihhen je? Ha nangkü ngei am kü nevihpih.

ISAIAH 66:3

Üpai mohohbaong jüei moilanya, büpayü shennyak jüpü keipü hih, hatü üpai mi cheha moilanya, büpayü shi üng kü vetpü keipü hih; Üpai hahying moila shuohnya, büpayü ookei iy moilapü keipü hih, hatü üpai ayingshü jakei moila shuohnya, büpayü lajei kü khümpü keipü hih. Jomi laophüi lümpü lemthü jeteke, hatü jiühitnalaipü dou kü jom mongmeinyüke.

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

PHONGSHANTHÜ DOU 10:33

Hanangkü shüshülangi nüng nyüknüng shompeih, hatü nüngi kenei peiküteke. Hanangkü shaang Shembüpai nüng kü etuh shei epü shahthü banghen shingvaishi ham peü hammü Kahvang touei nyüpeih” shei eteke.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

2 SHÜPPÜKENGPÜ 26:16

Shejao Uzziah wong koh-ei leipheikü büpa changmeipai büpa doteke. Büpai Shembüpa, büpalei Kahvang kü hingnelem, hatü ayingshü jakpü shingei ayingshü jakhen phopshemei nyu.

MÜLANGPÜ 30:18

“Lakhila phuhen shingvaishi melangnyiami la shihtü melangnyiam chilimji hük nüngi shüktuh. Ashakshem hatü moidü nyi aa kü haütuh, hatü ha kü yung shihtuh.

JOB SHAHSHA APPÜ 11:2

Ha shahthü kü shahnyok nelei-i tuhhen je? hatü hapa shah ahshi epü shennyak dah shakhühen je?

JOB SHAHSHA APPÜ 22:12

Kahvangü shaopü vangsholei nenyupü je? Shaopü lithathü kü veituh, jom mekei shaoshi nyupa!

KANDOK 10:19

Mechem shah ahshi enya, mang neomi nenyu, shejao laophülei yei yepei tuhpeyü kon kohpü.