CHONGVENBÜ 4:1 - DAÜLANGPÜ LAIHING (BSI)

¹ Hapheikü shao ngei veishuoh shingkü vanghenyü phangkü shüveiteipü lemphü ngei eeteke. Ngei shüveihahpüthülei mükphi eetepih, hatü jomphong nyiumeihühen üpayao neshiü;

CHONGVENBÜ 4:1 Referans Kwoze

CHONGVENBÜ 3:16

Nyeinya vaishi vanghenyü phangkü ngei lemhük eetepih. Shahhing epü touei shahshem eetepih; daülangpü shing kü mang eetepih.

CHONGVENBÜ 5:8

Kahmük hük kü taopathü hanghipü, hatü jom kü shahhing hatü jiüpü nedükshuoh-i eejü nüngi hapa kü tethama; mehenangkü lakchongbü hük kü büpa dok kübü lakchongbü hüki veinyüke, hatü jijiphen dok kü shao-üng lebü lakchongbü longpüthü nyüke.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

MATHI 26:56

Shejao hathü kemei thibüthü homei lai kü eyei nyupü jiühühen shingvaishi ha vampeih” shei e. Hahepak kü nanglomthü peü büpa yakphongtü nyaidai.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

YOUNG LAI 1:9

Pinnyü nedaünelangpeyü pinnyülei büm-ow kü khashi nyüke; Ngoikahen nang pinnyüi deih-ei nelenyu; Pinnyü dopü nyemshi hanshi; üpaiyao pinnyü nyiushem meihühen neshiü. Pinnyülei vepathüi neüshuohpü nangkü, “Oh Shembüpa, sheühshih” shei enyüke.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

ISAIAH 51:23

Ngei hapayü am kü shüveipüthü üami am kü, “Hami ammei dok shangkü kamphanüng aümei lemtuh shei e, hatü chingshongei nyüphinya kü keiha lemhütü am kü shouppa, hayü jom kü shuohhen.”

MENVIH KESHO 42:9

Kahvang, ngelei yaongnyü kü, “Nüngi mehekei ngei betüknya? Vepathüi shüveipü nangkü mehekei ngei mahng thepei kamteihenang?” shei eteke.

MENVIH KESHO 42:3

Ngelei vepathüi nedoh-i ngei kü, “Nüngei Kahvang melei nyüpa?” shei pheshingkü ngelei hahyingü ngelei mükphi nyuhampeih.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

JOB SHAHSHA APPÜ 35:9

Shüveidoidei ahshi nyujü shennyakthü leneiwongnyeih, jomphongi wong kohpüthülei lakmong kübü yangpü naei khümnyeih.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

CHONGVENBÜ 7:7

Mechem kon kohpü shennyaki hanei am kü ühünghenshang, büpai ngapa kei dou düknyüke, hatü yawhdoui mongdang mangtüknyeih.

KANDOK 28:3

Taopathü kü shüveipü vanglem lembü-ü sheili bhonglangpü bhiyung kei nyüke.

MENVIH KESHO 142:4

Ngelei lakdah philei veituh, ngei baong yempü üpayao neshiü; ngei loishing neshiü; ngei kü junghen üpayao neshiü.

MENVIH KESHO 80:5

Nüngi jom kü mükphi-i aan leitü ühteke; hatü yinghen shingvaishi mükphi maei dokei shuohteke.

MENVIH KESHO 69:20

Ne-ienelem ponghahpai ngelei mongdang mangdaiteke; hanangkü ngei mongshang kü nyunyeih. Ngei kü shinshangphahen yemjü hükao neshiü; nyiushem meiphahen yemjü hükao nedangnyu.

JOB SHAHSHA APPÜ 16:4

Ngelei laphen kei amphongao nyukülangmeyü, ngeiyao amphong kei ehah shepeih.

JOB SHAHSHA APPÜ 6:29

Shejüang, shahhing ne-epü doktuh, mong yeiyatuh, ngei shaang thahshi jiüshangi nyüpeih.

SHAHPHENBÜTHÜ 4:3

Mehenangkü Jabinü nyiam khari kho shü angteke, hatü büpai Israel nanglakthü shangkü longi mangshi hatü nemei-i vangbong kukha thahshi vanglem lem. Hahepak kü Israel ami Shembüpa kü sheühshih shei len.

SHAHKÜP 28:48

Hanangkü am aeiyeileyei, bümkong hatü taoeinangei Shembüpai am khüei shompü ammei vepathü amphongi chongphohen. Am mangmahkem thahshi büpai am shangponghühen.

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

MÜLANGPÜ 1:22

Hahepak kü Pharaoh-i büpalei nanglak peü kü, “Hebrew shemongsha kü bühpü bahanaü kemei Nile yung kü shüktüktuh, shejao ammi nyühanaü peü yangei tuhtuh” shei ngeükhüam shuoh.

MÜLANGPÜ 1:16

“Mechem anjinyi-i Hebrew nyü hüki naü bühpü kü sheühhenshang, bahanaü vaijema jütüktuh; shejao nyühanaü vaijema yemmü tuhtuh” shei e.

KANDOK 19:7

Taopa hük kü laophülei nenhisheni dangkao jiühitjema, büpalei küphüthüi meshükang jiühithenang! Büpai jom kü nyükei müjajao jom meleiyao neheüpih.

CHONGVENBÜ 8:9

Vanghenyü phangkü dükpü lemphüli kü ngei mongshuoh-ei veishingkü ngei hathü eeaokpeih. Mechem shennyak hüki lebüthü shak kü vanglem lemhenshang, laophü nying kü mong kü ma yahpü hepak hük nyüke.

JEREMIAH 16:7

Mahng theppüthü nyiushem meihühen nangkü üpaiyao hahying demei neshuohhen. Üpaiyao nyü vaijao pa vaijao mongmeihen nangkü yinghen meheyao neshuohhen.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

JOB SHAHSHA APPÜ 9:24

Mechem kahmük hük nemeipü amei lak kü shuohhen, büpai shahphenbüthü mük phüngtüknyeih, hapayü büpai nevaijema üpai düknya?

MENVIH KESHO 69:21

Jomi hahying nangjei leü nemeipü shuohnyüke, hatü ngei yung lejü thiok yung yahphünyüke.

MENVIH KESHO 142:5

Ngei nüng kü lennyeih, Oh Shembüpa; “Nüngü ngei loishing, yemmü nyupü kahdok kü nüngü ngelei phaihan” shei enyeih.

KANDOK 29:2

Mechem daülangpüthüi vanglem lemhen, nanglakthü mongongnyeih; shejao mechem nemeipüthüi vanglem lemhenshang, nanglakthüi mahng thepnyeih.

YOUNG LAI 1:17

Zioni lak yüpnyüke, shejao pinnyü kü sheühhen üpayao neshiü; Jakobei chingyowthü büpalei vepa leihen Shembüpai hanteke; Jerusalemü jom touei jiühitbenüng leidaiteke.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.