CHONGVENBÜ 3:8 - DAÜLANGPÜ LAIHING (BSI)

⁸ bamhen hepak hük, hatü jiühithen hepak hük; vehok hokhen hepak hük, hatü chingmei linghen hepak hük nyüpeih.

CHONGVENBÜ 3:8 Referans Kwoze

EPHESIA 5:25

Bahathü, Khristai attoi kü bam, hatü pinnyü shingvaishi büpa lanei shuohpü keiha laophülei shembünyüthü kü bamtuh,

LUK SHAHSHA APPÜ 14:26

“Üpai ngei touei peinya, büpai laophü pa, nyü, nyüha hapeüthü, jeihinaü nyahinaüthü, hatü laophülei yangnyu kü bampü kü nyeishi ngei kü nebamjema, büpa ngelei nanglak vainüng neaok.

1 ONGPATHÜ 5:4

Shejao shaang Shembüpa ngelei Kahvangi peü phikü chingmeivangmei shuoh, hatü meleiyao ponghokvanshengpü hatü shanghah vongshüh neshiü.

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.

MENVIH KESHO 139:21

Nüng kü jiühitpüthü kü ngei nejiühitnyu je, Oh Shembüpa? Nüng khüei yaongpüthü kü ngei nejiühitnyu je?

2 SHÜPPÜKENGPÜ 19:2

Hananilei cheha Jehu thibü büpa mü heününg peiyei ongpa kü, “Nüngü nemeipü am kü sheühhen hatü Shembüpa kü jiühitpü am kü bamhen je? Ha med kü Shembüpa mongshihpü nüng kü nyüke.

TITUS 2:4

shejüang jomi nelathü kü laophülei baha hatü hapeüthü kü bamhen mongnang thongaokhen,

EPHESIA 3:19

hatü nyingpü peü mü Khrista bampü peü mü nyeishi nyinghen shingvaishi ngei phopnyeih, shejüang amphong Kahvang deiaei peü philei mapai maei nyuhen.

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

MENVIH KESHO 101:3

Ngelei müksho kü ngei meheyao jiühitbenüng netuhpih. Hingnelempüthülei dou kü ngei jiühitnyeih; ngei hathü mü dükhen meheyao neshiü.

KANDOK 13:5

Daülangpü ami shahshem kü jiühitnyeih, shejao nemeipü ami neveüi hatü nephahji-i düknyüpeih.

2 ONGPATHÜ 9:22

Mechem Jorami Jehu eepa, büpai, “Jehu, mei deihshi peiküpü vaaikhihma yo?” shei e. Jehu-i jangei, “Anyü Jezebeli dükpü mükbongjuyung, hatü phongyom hingletpü nedoh-i nyupü thahshi mehe chingmei nyuaokhen?” shei e.

MENVIH KESHO 105:25

Büpai laophülei nanglak kü Ijip ami jiühithü, hatü laophülei chongphobüthü khüei shah showhü.