CHONGVENBÜ 3:7 - DAÜLANGPÜ LAIHING (BSI)

⁷ Shaaktükhen hepak hük, hatü thünghen hepak hük; nenmü nyuhen hepak hük, hatü shah ehen hepak hük;

CHONGVENBÜ 3:7 Referans Kwoze

MIKA 7:5

Ammi chingnyü kü hingtelem, ammei küphü hük kü mongtelem. Nüngei nyüha touei dangkao mehe enya nüngi lituh, hatü nüngei ju yomtuh.

AMOS 5:13

Hanangkü kon kohpüthüi henüng hepak kü nenmü nyudainyüke; mehenangkü hepak vangpan nemei-i nyüke.

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

YOUNG LAI 3:28

Shembüpai hapa kophüshingkü munenei nyuhen khih;

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

ESTHER 7:4

Mehenangkü ngei hatü ngelei nanglakthü jühen, li hümtükhen nangkü yutükteke. Ham paoh lapja-i nyüha hatü baha aa keiha yutükpü vailangmeyü ongpa kü kainaiyei ne-etei-i ngei nenmü nyudaihah shepeih” shei e.

AMOS 8:3

Hapa nyih phopshemei lokpü haipeyü mahng theppü leihen. Shing peüei mahmahng longi nyuhen. Jomü lavüngtoipü shing kü yakphonghen.”

JEREMIAH 8:14

Jen mehekei nenmü uoshi nyuhen? chemi thaishah hatü penyü showtükpü chingei aongei halei didaishah; Mehenangkü Shembüpa, jenei Kahvangi jen kü mahhen hanteke, hatü leü nemeipü kohpü yung yinghen shuohteke, mehenangkü jeni Shembüpa khüei mang thahteke.

ISAIAH 36:21

Jomphong kü ongpai, “Meheyao shah teleitei” shei eshuohpü nangkü jomi meheyao shahnyok neleitei-i nenmü nyu.

MENVIH KESHO 39:2

Ngei meipü jung vaijao shah phahükao ne-e-i nenmü nyu, shejao ngelei shanghah nyeinya dateke.

2 ONGPATHÜ 6:30

Mechem ongpai hapa nyühalei shahthü danpa, büpai laophülei büm-ow shaak, hatü bham yopailei nyupü shennyakthüi büpayü büm-ow mongei dhoila-i thüngpü ow yahshi eeteke.

2 ONGPATHÜ 5:7

Mechem Israel ongpai hapa lai iepa, büpai laophülei büm-ow shaaktü, “Ngeiyü Kahvang je? Ngei mih jütü yangei leishih-aokhen je? Mehekei hapa shennyaki ngomdin kohpü shennyak meihütuh shei shah shompa? Büpayü ngei mü hokhen lem yemhen khenyu khih” shei e.

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

2 SAMUEL 3:31

Hapheikü Davidi Joab hatü büpa mü nyupü shennyakthü kü, “Ammei büm-ow shaaktuh; dhoila ashak ümtü Abner nangkü mahng theptuh” shei e, hatü mahng vühen daishingkü David ongpa mahng pheilei müei dai.

2 SAMUEL 1:11

Hahepak kü Davidi laophülei ashak shaaktük hatü büpa mü nyupüthü peüi hapakei dük.

KAHBHAO 44:34

Naüpeü nemüi mekei etü ngei opa touei leihenang? Opa mongshang küpü kü ngei veishi nyuhen neaok-ükhih” shei e.

KAHBHAO 44:18

Judah-i Joseph touei heih-ei, “Oh ngeilei shembü, nüngei chongphobüi nüngei dhaongi danshi shah phahük eküshah; nüngi ha kü mongshih-ei tedeihkei; nüngü Pharaoh keipü khih.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

KAHBHAO 37:29

Mechem Reuben nyokei leiyei kahshalei veipa, büpai Joseph ne-eepü nangkü büpai laophülei ashak shaaktük.

PHONGSHANTHÜ DOU 9:39

Hanangkü Peter layaongei jiji mü heih, hatü mechem büpa ngoijapa, jomi büpa jaandokpa dung-amei müei an. Vaümnyüthü büpa touei yaongtü pinnyü jom mü nyushi Dorkas-i thüngshuohpü bhagthuh hatü ashakviha hutü thep.

JEREMIAH 36:24

Ongpa hatü büpalei lakchongbüthüi hathü shah dantü nyemei nedeih, nevaijü jomei ashak neshaaktük.

JOB SHAHSHA APPÜ 2:13

hatü jomi büpa mü nyih nyet ya nyet thahshi kahdokei uo. Üpaiyao büpa kü shah phahükao ne-e, mehenangkü jomi büpa longi ponghahpü eeteke.

CHONGVENBÜ 3:6

yemhen hepak hük, hatü mahtükhen hepak hük; jaoei tuhhen hepak hük, hatü yaktükhen hepak hük;

1 SAMUEL 10:16

Sauli büpa kü, “Gaduthüyü dangteke shei büpai henji kü ephopeih” shei e, shejao ong vaihen nang mehe Samueli eshuoh, ha jung meheyao büpai büpa kü ne-eshuoh.

2 ONGPATHÜ 18:36

Shejao nanglakthüi meheyao shah kü neleitei-i nenmü nyu; mehenangkü ongpai jomphong kü, “Ammi büpalei shah kü teleitei” shei etüktü nyu.