CHONGVENBÜ 3:6 - DAÜLANGPÜ LAIHING (BSI)

⁶ yemhen hepak hük, hatü mahtükhen hepak hük; jaoei tuhhen hepak hük, hatü yaktükhen hepak hük;

CHONGVENBÜ 3:6 Referans Kwoze

PHONGSHANTHÜ DOU 27:19

hatü nyih jempabü kü jomphongi jahas leipü hadir noei yungei shüktük.

PHONGSHANTHÜ DOU 27:38

Jom peü hah-ei mohpheikü jomi yungei wheat kemei shüktükpü nangkü jahas shangkhah-i leiteke.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

CHONGVENBÜ 11:1

Nüngei hahying yungching shangkü haiphongtuh; mehenangkü nyih longi angpheikü nüngi ha nyokei danghen.

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

2 ONGPATHÜ 5:26

Shejao Elisha-i büpa kü, “Mechem hapa shennyak nüng mü pongnüng koyei khari leipü shühpa, hahepak kü ngelei laangha nüng mü nenyupü vaishi je? Hapayü lop, büm-ow, olive kahthü, nyalingngupai, mi, mohoh nevaijü nyüha, hatü baha aa yahhen hepak je?

JONAH 1:5

Jahas mübüthü peü longi nyem, hatü shennyak ieyei laophü laophülei kahvang kü ham yangtuh shei len. Jomi jahas shanghen shingvaishi hanggo lak-ai shüktükkem. Hahepak kü Jonah jahas shaongei yiüei mükhet meishi shiyei nyu.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

2 ONGPATHÜ 8:9

Hanangkü Hazaeli Elisha mü pongteinüng Damaskalei vampü doumei lemphüli thaiyei ut pinyi kü hanggo kohütü heih. Büpai shem mongei shüei büpa touei yaongtü, “Aram am anha Ben-Hadad ongpai ngei nüng touei, ‘Ngei tüngpü meiüla?’ shei phenüng shompü khih” shei e.

2 ONGPATHÜ 7:15

Hanangkü jomi Jordan thahshi jom phei kü dai; Aram ami nyemei nyaishingkü lemyang kü ashakviha hatü douhinangthü yakphong. Hapa keiha phongmokbüthü nyokei leiyei ongpa kü shah-om aokjateke.

KAHBHAO 31:18

hatü yemhimak kemei mütü büpai Paddan-Aramei nyushi yowpü mop kemei kotü Kanan kahdokei chepa Isak yemei leihen layaong.

CHONGVENBÜ 3:5

yaongthü haitükhen hepak hük, hatü hathü thailanghen hepak hük; khaaiteihen hepak hük, hatü khaaiteipü vetükhen hepak hük;

CHONGVENBÜ 3:7

Shaaktükhen hepak hük, hatü thünghen hepak hük; nenmü nyuhen hepak hük, hatü shah ehen hepak hük;