CHONGVENBÜ 3:3 - DAÜLANGPÜ LAIHING (BSI)

³ jühen hepak hük, hatü hapa meihühen hepak hük; bentükhen hepak hük, hatü hapa linghen hepak hük;

CHONGVENBÜ 3:3 Referans Kwoze

1 SAMUEL 2:6

Shembüpai jünyeih hatü yangei leishihnyeih; büpai mahngchongei müei yünyeih, hatü yangei leishihnyeih.

JEREMIAH 45:4

“Büpa kü ha etuh” shei Shembüpai eteke: Shembüpai hapakei enyüke: “Ngei mehe vetepa, ha bentükhen; ngei mehe shei, ha bhitükhen; hapayü kahmük peü.

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

1 SAMUEL 2:25

Shennyak hüki shennyak hük homei mang thahjema, hapa kü Kahvangi baong kü ithen, shejao shennyak hüki Shembüpa khüei mang thahjema büpa kü üpai baong kü ithen?” shei e. Shejao cheha nyi-i chepai epü nebang; mehenangkü jiji jütükhenü Shembüpai mongpü nyuteke.

EZEKIEL 13:14

Ammi dhon nyiotükpü bhamü kahdok kü jeetshi benei haütükhen; hapa bham chongnyiam shing kong leitükhen, hatü mechem hapa laamhen, amao hapa mongei mahhen. Shejüang ami ngeiyü Shembüpa Kahvang shei nyinghen.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

KAHBHAO 9:6

Üpai hangkulei iy yenhühen, büpalei iy-ao yenhühen; Mehenangkü Kahvangi shennyakü Kahvang lepü kü lingpeih.

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

JEREMIAH 1:10

Veihümao, shinnyih ngei nüngü jatthü hatü ongchingthü bhitükhen, hatü vütükhen, mangtükhen hatü yaktükhen, linghen hatü sheihen shingvaishi jenyüpeih.”

HAGGAI 1:2

Shembüpai Haggai kü eteke, “Hathü nanglaki ‘Shembüpalei shem vehen shao-üng hepak mangngoipih’ shei enyüke.”

HAGGAI 1:4

“Ngelei nanglakthü, Shembüpalei shem phenhai lupdaitü tuhphongtü amphong jintükpü shem kü nyuhen hepak je?”