CHONGVENBÜ 2:16 - DAÜLANGPÜ LAIHING (BSI)

¹⁶ Mehenangkü ngapa hük betükpü kei-üng nahpü shennyakao betükshasha; ngoikahen nyih kü henyiphen betükshasha. Ngapa keiha nahpü shennyakao didaishasha!

CHONGVENBÜ 2:16 Referans Kwoze

CHONGVENBÜ 1:11

Aivang den mü nyupü shennyakthü üpaiyao deih-ei nedangnyih; nevaijü mangbüh mangpaümi nyupü kahmong nyemhathüao jom phei kü bühhenthüi jom deih-ei nedangpih.

CHONGVENBÜ 9:5

Mehenangkü yemmü nyupüthüi ham dihen shei nyingnyeih, shejao didaipüthüi meheyao nenyingnyih; Jom shing sheyü laklei neshiü, hatü jomphongü deih-ao nedeih-i betüknyeih.

MENVIH KESHO 88:12

Nüngei thamapü douthü shangmangei, nevaijü nüngei daülangpü douthü betükhen kahdoknyülei nyinghünyuje?

MÜLANGPÜ 1:8

Hahepak kü Joseph jung meheyao nenyingpü ongpa ja hüki Ijip kahdok kü ong vaiteke.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

CHONGVENBÜ 6:8

Ngapa mü nyeishi kon kohpü shennyaki mehe nanglei dangnya? Mih touei mekei dükhen ha nyinghahpai taopai mehe nanglei nyüpa?

CHONGVENBÜ 2:14

Ngapa hüki vangnyak kü kamshing kü kon kohpü shennyak kü sholi kü mük kohshi nyüke, shejao jiji nyiphen kü aihük lashüh-i dhaümnyüke shei nyingpeih.

MENVIH KESHO 103:16

Vanglüki ha kü lükshuohjü, ha kaongdainyüke; hatü hapalei shing nenyingi leidainyüke.

MENVIH KESHO 49:10

Mechem jeni kon kohpüthü kü veihenshang jomao didainyüke; ngapa hatü yoipa nyiyao aihük mü didainyüke, hatü jomei mop mih kü tuhnyeih.

2 SAMUEL 3:33

Ongpai Abner kü hapa mahng kesho lok: “Ngapa hük dipükei Abner mehekei dihenang?

MÜLANGPÜ 1:6

Nyuei daiyangkü Joseph hatü büpalei chejeihijei am hatü yienhihien peü didaikem.

CHONGVENBÜ 2:15

Hahepak kü ngelei mongkü, “Ngapai mehe heünya, aihük lashüh-i ngeiyao heüshasha khih. Longi nahpai shei ngei mehe nanglei vainüng” shei deihteke. Ngei, ngei nyingi, “Hapayao angsha khih” shei eteke.

CHONGVENBÜ 7:2

Mo shemei dailei meyü mahng shemei daipü-üng meipüba; Mehenangkü hapayü peü shingvaishi dohpü nyih nyüke, hatü yemmü nyupüthüi mongei jaoei tuhhen vongbong.

CHONGVENBÜ 8:10

Hih, ngei nemeipüthü mahng vütükpü eetepih, shejao mahngchong leipü nyokei leijashingkü jomi douten dükhampü nangkü chingnyülei shennyakthüi hathü kü vihpülüpü eetepih. Hapayao angsha khih.

CHONGVENBÜ 9:15

Shaang hapa chingei taopa shennyak hük shejao kon kohshi nyu, hatü büpai hapa ching büpalei koni yangaok. Shejao üpaiyao hapa taopa shennyak deih-ei nedang.

KANDOK 14:8

Kenhingpülei kihikonü laophü melei dainya, ha nyingnyüpeih, shejao ngapa khongkü ngapai pungei münyüpeih.