CHONGVENBÜ 2:10 - DAÜLANGPÜ LAIHING (BSI)

¹⁰ Ngelei mükhimongi mehe lümei deih, hathü peü ngei dangaok; mongongmongle lemphüli kü ngelei mongdang yepei netuh; ngelei laki dükpü dou kü ngei mongong, hatü hapayü ngei dükpü kü laklei nyuteke.

CHONGVENBÜ 2:10 Referans Kwoze

CHONGVENBÜ 9:9

Vanghenyü phangkü Kahvangi nüng kü shuohpü angsha yangnyu nyihthü peü kü nüngi bampü anyüha mü mongongshi nyutuh; mehenangkü hapayü nüngei yangnyu hean, hatü vanghenyü phangkü nüngi nyiuei dükpü dousho khih.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.

CHONGVENBÜ 3:22

Hangku hüki laophülei dou kü mongonghen mü lenei mei meheyao neshiü shei ngei eeteke; mehenangkü hapayü büpalei lashüh shangba kü hetdaipü dou khih. Büpa pheikü mehe vamhen ha kü veihen shingvaishi üpai shao büpa nyokei leiaokhen?

MENVIH KESHO 119:37

Angsha kü veipü ngelei mük lepei leituh; nüngei lemthü kü ngei kü yangnyu yahshih.

MENVIH KESHO 128:2

Ammi laophülei laki dükpü kü vampü betjük hahshi nyuhen; moihiman hatü dapüshepü am mü nyuhen.

1 JOHAN 2:16

mehenangkü kahdoknyülei nyupü lemphü– phai-i yahhüpü, mük kü meipü, mophimo kü changmeipü hathüyü Pa leipü nevai, shejao kahdoknyü leipü peinyeih.

CHONGVENBÜ 2:22

Vanghenyü phangkü shennyak hüki dükpü hatü mongshangei nyiutüknangtükpü kü mehe nanglei dangnya?

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

CHONGVENBÜ 6:9

Napükenpü jung deih-ei longtei leimeyü mehe ang, ha kü hüshemei nyupü-üng meipüba. Hapayao angsha; vanglük phei changteipü mon khih.

KANDOK 23:5

Chem mon eetü hayü nyadaihen; mehenangkü ha kü yang kohtü alang kei phumshangei pidaiphahen.

JOB SHAHSHA APPÜ 31:1

Nela hük kü ten deihshi vaüei neveihen ngei ngelei mük mü vangteitüktih.

SHAHPHENBÜTHÜ 14:2

Mechem büpa shemei leipa, büpai chenyü hi chepa nyi kü, “Ngei Timnahlei Philistia am nela hük eepeih; pinnyü ngelei nyüha vaihen yahshih; ngei pinnyü mü shem yemhen hih” shei e.

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

KAHBHAO 3:6

Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

CHONGVENBÜ 5:10

Üami lop kü bamnya, mechemao lop changteke shei nenyunyih; Üami mop kü kennya, mechemao jomi angpü kü mükmong nemanyih. Hapayao angsha khih.

CHONGVENBÜ 6:2

Hangkui napü kenpü meheiyao taoei nenyuhen shingvaishi Kahvangi jom kü mophimo, angpüdeipü hatü dhüm shuohteke, shejao Kahvangi jomphong hapa kü hüshemei netuhnyu, shejao yenpa hüki hathü hahtüknyüke. Hapayao angsha; hapayü ahshi mong kü tüngbenüng khih.

CHONGVENBÜ 9:6

Jomphongei bampü, jiühitpü, hatü mükhühmongyung peü mahdai; Vanghenyü phangkü vampü mepa kao sheyü jomphongei hean neshiü.

CHONGVENBÜ 2:1

Ngei ngelei mongei monghamshi nyuhen, hatü mongongpü hayü mehe shangkü yemei danghen shei deihhahteke. Shejao hapayao angsha khih shei ngei nyingaok.

CHONGVENBÜ 2:24

Shennyak hüki hahhen, yinghen hatü laophülei dousho kü monghampü mü lenei meheyao mei nedükaokpih. Hapayao Kahvang leipü peipü khih shei ngei nyingteke;

CHONGVENBÜ 5:17

Yangnyu luden kemei vangnyak kü hahyingei, shanghah, mongshang, mongshih hatü tüngpüaipü kü nyunyüpeih.

CHONGVENBÜ 8:15

Hanangkü yangnyu-ü mongongshi nyuhen khih shei ngei enyüpeih; mehenangkü vanghenyü phangkü hangku shingvaishi hahhen, yinghen hatü mongonghen mü lenei lebü meipü meheyao neshiü. Shejüang vanghenyü phangkü Kahvangi shuohpü yangnyu nyih kansho hük mong aa kü büpai dükpü dou kü mongong nyuhen.