CHONGVENBÜ 12:5 - DAÜLANGPÜ LAIHING (BSI)

⁵ Nüng vakhivien kü kamhen nyemdaihen, hatü nekamneyaongaoki leidaihen. Nüng sheyü shosho pungdaihen; sheyü laknolathan neaoki leidaihen, hatü mehe yahlak hahlakao nena-i leidaihen. Hapheikü shennyakü nedohnetenpü nyuishing yemei lüdainyeih, hatü hapheikü chingyangshongei mahng theppü chongkahen.

CHONGVENBÜ 12:5 Referans Kwoze

JOB SHAHSHA APPÜ 17:13

Ngei ongyangpü shemü mahngchong vaijema, vangnyak kü ngei ngelei shinshing temjema,

JOB SHAHSHA APPÜ 30:23

Nüngi ngei ditükhühen, hatü hangkuli peü shing temtükpü shingei ngei mülanghen shei ngei nyingnyüke.

KANDOK 16:31

Shosho pungshi yangnyu nyupeyü müknyinshekhang athen; hapayü hingshangpü yangnyui dangnyüpeih.

MENVIH KESHO 71:18

Ngoikahen denja pheiha kü nüngei nganhilong jung ngei mangbaong thahshi, ngei viüei shosho pungdaijao nüngi ngei teyakphongma, Oh Kahvang.

JOB SHAHSHA APPÜ 15:10

Shosho pungdaipü hatü viüpathü, ampa mao behethü ham philei nyüpeih.

LEVI 19:32

Viünyü viüpa kü sheühtuh; behe kü dhüm shuohtuh, hatü ammei Kahvang kü nyemtuh. Ngeiyü Shembüpa.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

JEREMIAH 1:11

Shembüpalei shah ngei touei peiyei “Jeremiah, nüngi mehe eenyüke?” shei eteke, hatü ngei jangei, “Ngei almond pükao hük eenyüke” shei e.

ISAIAH 46:4

Ngei ammei Kahvang hatü am viüei shosho pungpü thahshi ngei am junghen. Ngei am lingpeih, hatü ngei am kü junghen; Ngei am kü sheühhen hatü yanghen.

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

KANDOK 20:29

Nethe hükei müknyinshekhangü büpalei wong, hatü viüpalei dhemeilaümapü vangdhümü shosho pungpü.

KAHBHAO 44:31

büpai naüpeü hamphong mü ne-eejü büpa dikahen hih, hatü nüngei chongphobü hamphong homei hajük viüdaipü opayü mongshang kü dihühen mü vamkahen khih.

KAHBHAO 44:29

Amphongi büpaao ngei toueipü müei lüdaijema, hatü büpa vongshüh vaijema, amphongi ngei kei viüdaipü shennyak mongshang kü dihühen khih” shei ephopeih.

KAHBHAO 42:38

Shejao büpai, “Ngelei hapeü nüng mü nedeishihpih, chejei didai, shaangü büpa mon aopeih. Lemei lemhük kei büpa kü vamjema, viüdaipü ngelei yangnyu-ü nüngi koei peipü mongshangi ngei dihen khih” shei e.

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.