CHONGVENBÜ 12:1 - DAÜLANGPÜ LAIHING (BSI)

¹ Nüngei thehila nyihthü kü nüngi nüng Lingbü deih-ei dangtuh; shanghah nyihthü ngoikü shekü, hatü vangbongthü peihdai shingkü nüngi, “Ngei hathü kü mongonghen neshiü” shei ehen.

CHONGVENBÜ 12:1 Referans Kwoze

YOUNG LAI 3:27

Shennyak hük shingvaishi thehila hepak kü-üng pang paihen meipüba.

CHONGVENBÜ 11:8

Üami bong luangi nyuhenshang, büpai nyuyang kemei mongongshi nyutuh, shejao büpai shangmang nyihthüao deih-ei dangtuh; mehenangkü hapa nyih longi nyukahen. Peikahen shei monglempü lemphüli angsha khih.

KANDOK 22:6

Hashih hük kü büpa longhen lem nyuh-ei ventuh; mechem büpa behe leihen, büpai ha kübü neyandaipih.

LUK SHAHSHA APPÜ 18:16

Shejao Jisui hathü kü nyüktü, “Maanpü hashihthü ngei touei peihütuh, jomphong kü tebangshuoh; mehenangkü Kahvang ongchingü hapa keipüthü shing hih.

MENVIH KESHO 34:11

Peikei, Oh hashihthü, ngei epü bangtuh; ngei nüng kü Shembüpa nyemhen nyuhphüshah.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

MENVIH KESHO 90:10

Hamei yangnyu-ü bong pejempüan mon; nevaijü wong kohjema büali mon nyüke; hayao shanghah hatü mongmang mon, nyihthü lomi lüdai, hatü ham lüdainyeih.

CHONGVENBÜ 11:10

Hanangkü nüngei mong kübü mongshang changtüktuh, hatü nüngei büm kübü shanghah yaktüktuh; mehenangkü thehila hatü kahmong nyemhalei yangnyuao angsha khih.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

2 SAMUEL 19:35

Ngei sheyü vangbong büali lomdaiteke. Mehe mei hatü ten ngei baong hanei eaokhen je? Ngei mehe hahnya hatü yingnya, ha ngelei jui nenyingaoknyu. Ngei nethe nelathüi lokpü haipü danaokhen je? Ngei leihahpai nüng shing hanggovih-ang vaikahen hih.

1 SAMUEL 2:26

Hashih Samuel-ü bümhishao kü hatü Kahvang hatü shennyak tou kü monghahshi longteke.

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

LUK SHAHSHA APPÜ 1:15

mehenangkü büpayü Shembüpa touei longpü nyuhen. Büpai yiü nevaijü wong kohpü yiü neyinghen; büpa bühshekü-üng Laangha Daülangpai maei nyuhen.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

KAHBHAO 39:23

Khoklat veshan longpübai Joseph kü eyei tuhphongpü mepa kao mongne-aa; mehenangkü Shembüpa büpa mü nyu, hatü büpai mehe dük, ha kü Shembüpai moihimanteke.

EPHESIA 6:4

Pathü, mongshihpai ammei hapeüthü kü teloh, shejao Shembüpai ungei-aeipü hatü nyuhpüvenpü kü longhütuh.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

1 SAMUEL 2:18

Hashih Samuel-ü nyemin bhagthuh thuhtü Shembüpa chongphoei nyu.

1 ONGPATHÜ 18:12

Ngei nüng toueipü leidaihinüng Shembüpalei laanghai ngei nenyingpü shingei nüng müei lüdaihen; ngei leiyei Ahab kü ha eshuohhen, hatü büpa peijü nüng nenyujema, büpai ngei jütükshasha khih. Nüngei chongphobü ngeiyü hashih mebü Shembüpa kü dhüm shuoh-ei khümei longpeih.

1 SAMUEL 1:28

Hanangkü ngei büpayü Shembüpa kü shuohnyeih. Büpalei yangnyu den kemei Shembüpa kü shuohnyeih” shei e. Büpa halei Shembüpa chongphoei nyu.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

JOB SHAHSHA APPÜ 30:2

Jomei lak kü wong nyujao sheyü jomei wong komdaipheikü ha ngei shingvaishi mehe nadang nyüpa?

1 ONGPATHÜ 14:13

Israel am kemei mahng thephen, hatü büpa mahng vühen; mehenangkü Jeroboam am shem kü büpa mon mahngchongei vühen; mehenangkü Jeroboam am shem kü büpa kü monha Shembüpa, Israel Kahvangi mongongbenüng lemhük nyüke.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.

MENVIH KESHO 63:6

Mechem ngei lüngshingei lemhen nüng deihnyeih, hatü nyakyang kü nüng jung deih-ei nyunyeih.

MENVIH KESHO 119:55

Ngei nüngei shahkungthü nyak kü deihnyüpeih, Oh Shembüpa, hatü ha shahkung düknyüpeih.

CHONGVENBÜ 11:2

Nüngei phaihanthü shingnyet nevaijü shingshet shuohtuh; Mehenangkü kahdoknyü kü mehe vamkahen nüngi nenying.

2 SAMUEL 19:36

Nüng chongphobüi ongpa mü Jordan homei kanja hük mon heihkahen, shejao ongpai ngei kü hapa keipü laklei mehekei yahphahenang?