CHONGVENBÜ 11:5 - DAÜLANGPÜ LAIHING (BSI)

⁵ Nüngi nyü hükei vom mongei naü mekei ngüan ngüleiyei pangnya, nenyingpü keiha, lemphüli Lingbü Kahvangei dou nüngi nenyingaokpih.

CHONGVENBÜ 11:5 Referans Kwoze

JOHAN 3:8

Vanglüki melemei lükhünya, halemei lüknyüke. Nüngi hapalei ngeü dannyüke, shejao nüngi ha melemeipü peinya, hatü melemei dainya, ha nüngi nenying. Hapa keiha Laangha kü angpü peü nyunyüpeih.

MENVIH KESHO 92:5

Nüngei lakdouthü meshük longpüang, Oh Shembüpa! Nüngei mongdeih ahshi chüshi nyüke!

CHONGVENBÜ 8:17

Kahvangi dükpü dou lemphüli ngei eeteke; üpaiyao vanghenyü phangkü mehe vamnya, ha neyao-aoknyu. Hangkui hapa yemei dangnüng shei khejao hangkui hapa lappü nenyingaok. Kon kohpü shennyaki ngei peü nyingnyeih shei ejao, büpai hingmei mü hapa yaoei neaokpih.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

ISAIAH 40:28

Shembüpayü nedohnetenpü Kahvang, kahdok dohpü junghijang peü Lingbü shei ammi nenyingpü je hatü nedanangpü je?

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

CHONGVENBÜ 7:24

Mehe kihikon vaihenshang vaijao, hapayü longi chüshi hatü nyinghen longi wongshi nyüke.

MENVIH KESHO 40:5

Oh Shembüpa, ngelei Kahvang, nüngi ham kü thamapü douthü longi dükteke. Nüngi ham shing tempü douthü üpaiyao iehen neaoknyu; Ngei paoh hathü jung enüng shelangmeyü ngei ieaokhen mao ahshi nyeidaiteke.

JOB SHAHSHA APPÜ 38:4

“Ngei kahdoknyü chongnyiam yaong haüshingkü nüng melei nyuhampa? Nüngi ha nyingei nyujema ngei kü eshih.

JOB SHAHSHA APPÜ 37:23

Jeiyong Kahvangü jeni yemei nedangaoknyu; ngan hatü shahhing epü kü ahshi longshi; hatü daülangshemshepai büpai shahshem ne-enyih.

JOB SHAHSHA APPÜ 5:9

Büpai jeni yaoei neaokbenüng yashanyale düknyüke, ieyei neaokbenüng thamapü douthü düknyüke;

CHONGVENBÜ 1:6

Apshaphi kü vanglük lüknyüpeih, hatü pehephi kü shinei leinyüpeih; Shinei shinei daiyei shao shongpü shingei leinyüpeih.

CHONGVENBÜ 1:13

vangsho phangkü dükpü lemphü kihikon homei yemhen hatü dokei veihen ngei ngelei sholi mongdang kemei lanei shuohtepih. Hapayü hangkuli kü Kahvangi hanggovih shuohpü mon khih.

CHONGVENBÜ 3:10

Kahvangi hangkuli kü shuohpü hanggovih ngei eetepih.

CHONGVENBÜ 3:11

Büpai lemphüli hepak vangpan kü jiüshi veinyuhüshi lingei tuhteke. Büpai hangkulei thentoimongdang kü peihdaipü hatü ngoikahen nang nyinghen mongdeih shuohteke, shejao Kahvangi chongpangpü kübü dohpü ngoishi mehe dük, ha kemei yaohen neaokpih.

CHONGVENBÜ 11:4

Üami vanglük dohpü dannya, sheili nesheiaokhen; Üami vang meipü dannya, hah vethen nedanghen,