CHONGVENBÜ 1:6 - DAÜLANGPÜ LAIHING (BSI)

⁶ Apshaphi kü vanglük lüknyüpeih, hatü pehephi kü shinei leinyüpeih; Shinei shinei daiyei shao shongpü shingei leinyüpeih.

CHONGVENBÜ 1:6 Referans Kwoze

JOHAN 3:8

Vanglüki melemei lükhünya, halemei lüknyüke. Nüngi hapalei ngeü dannyüke, shejao nüngi ha melemeipü peinya, hatü melemei dainya, ha nüngi nenying. Hapa keiha Laangha kü angpü peü nyunyüpeih.

CHONGVENBÜ 11:5

Nüngi nyü hükei vom mongei naü mekei ngüan ngüleiyei pangnya, nenyingpü keiha, lemphüli Lingbü Kahvangei dou nüngi nenyingaokpih.

MENVIH KESHO 107:29

Büpai yinglükpalei nenhü, hatü yungching yungmok dohtük.

MENVIH KESHO 107:25

Büpai ngeükhüam shuohtü yinglükpalei vamhü, hapai yungching yungmok domei anshih.

JOB SHAHSHA APPÜ 37:17

Pehe vanglüki kahdoknyü nendaijü amphongei ashakviha mekei shaamluki nyuhen?

JOB SHAHSHA APPÜ 37:9

Hapalei dungnuk leipü alüngleple vamnyeih, hatü lükpü vanglük kübü vüngmakpü peinyeih.

MATHI 7:27

Vang keiyei yung long, hatü vanglük lük hatü hapa shem kü hung, hatü ha shem laam, hatü ha laampeyü longi nyuteke.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

JONAH 1:4

Hahepak kü Shembüpai yungching yinglükleisho longpü hük shom, hatü hapa vanglük mangpai jahas mangtükhen mü vongshüh kü nyuteke.

CHONGVENBÜ 1:7

Shoha kemei yungching kü cheinyüpeih, shejao mechemao yungching nemanyih. Shohathü vampü shingei-üng shao nyokei leidainyeih.