CHONGVENBÜ 1:13 - DAÜLANGPÜ LAIHING (BSI)

¹³ vangsho phangkü dükpü lemphü kihikon homei yemhen hatü dokei veihen ngei ngelei sholi mongdang kemei lanei shuohtepih. Hapayü hangkuli kü Kahvangi hanggovih shuohpü mon khih.

CHONGVENBÜ 1:13 Referans Kwoze

CHONGVENBÜ 3:10

Kahvangi hangkuli kü shuohpü hanggovih ngei eetepih.

KAHBHAO 3:19

Nüng nyipabü kahshalei mangshü thahshi shangjing kübü lem-ow yenei dükei mon hahhen danghen, mehenangkü nüngü kahdok yah-ei lingpeih, shao nyipabü kahdok leidaihen” shei e.

CHONGVENBÜ 1:17

Ngei nyingi kihikon hatü ngapüyoipü jung nyinghen shingvaishi mong shuohteke, shejao hapayao vanglük phei changteipü mon khih shei ngei nyingpeih.

1 TIMOTI 4:15

Hathü dou leiyei düktuh; peüi nüng shehongei daipü eehen shingvaishi nüngi hathü kü mong shuohtuh.

CHONGVENBÜ 12:12

Hathü mü lenei lemhük-üng nyuküjema, ngelei hapeü, lituh. Lai longi nyangpai dohshing neshiü, hatü lai longi iepai büm kü tok vaipü mon.

CHONGVENBÜ 7:25

Hanangkü ngelei mongi kihikon yemhen, hatü ha yaoei nyinghen shingvaishi kihikon hatü doulemthü peü yemei danghen, hatü nemeipü mang hatü ngapüyoipü meheshang ha nyinghen kheteke.

CHONGVENBÜ 8:9

Vanghenyü phangkü dükpü lemphüli kü ngei mongshuoh-ei veishingkü ngei hathü eeaokpeih. Mechem shennyak hüki lebüthü shak kü vanglem lemhenshang, laophü nying kü mong kü ma yahpü hepak hük nyüke.

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

CHONGVENBÜ 2:23

Yangnyu nyih yangkemei kü büpalei dousho-ü tüngpüyapü hatü mongtok mongshangi maei, yanüng dangkao nyiushem nemei-i nyunyüke. Hapayao angsha khih.

KANDOK 23:26

Ngelei hapeü, nüngei mongdang ngei kü yahshih, hatü nüngei müki ngelei lemthü kü veituh.

KANDOK 18:15

Nahpülangpü sholi-i nyingpühingpü yahnyüpeih, hatü kon kohpülei dhaongi kihikon yemnyüpeih.

KANDOK 18:1

Mih mü nekünejempü shennyakü laophü shing mon deihnyeih; Mih peüi jiüpeih shei epü kü nejiüang shei mon enyeih.

KANDOK 4:7

Kihikonü peü mü longpüba; hanangkü hapa yahhahtuh, hatü nüngi dangpü lemphüli kü yao-aokpü kon yahtuh.

MENVIH KESHO 111:2

Shembüpalei douthü thamashi; ha kü mongongpüthü peü ha nyinghen yemnyüke.

JOB SHAHSHA APPÜ 28:3

Shangmangi vangngai leihütü hangku-i chülohpü shangmang kahmong shoei shünyüke; hatü manghtangpü yaonglaap vaüpei yemnyüke.

CHONGVENBÜ 3:11

Büpai lemphüli hepak vangpan kü jiüshi veinyuhüshi lingei tuhteke. Büpai hangkulei thentoimongdang kü peihdaipü hatü ngoikahen nang nyinghen mongdeih shuohteke, shejao Kahvangi chongpangpü kübü dohpü ngoishi mehe dük, ha kemei yaohen neaokpih.

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

CHONGVENBÜ 11:5

Nüngi nyü hükei vom mongei naü mekei ngüan ngüleiyei pangnya, nenyingpü keiha, lemphüli Lingbü Kahvangei dou nüngi nenyingaokpih.

KANDOK 25:2

Kahvangei müknyinshekhangü shahhidouthü joei tuhhen ha nyüke, shejao ongpalei dou-ü hathü yemei danghen nyüke.