BHEI-IE 8:12 - DAÜLANGPÜ LAIHING (BSI)

¹² Levi am daütükhen shingvaishi jomi mohoh chebaong nyilei shangjing kü jomei laki shinghen; hükü mang moila shuohhen hatü hükpayü jakpü moila shuohhen.

BHEI-IE 8:12 Referans Kwoze

MÜLANGPÜ 29:10

Nüngi mohohbaong ashakshem shemshelei deikei. Aaron hatü chehathüi mohoh shangjing kü laki dükhütuh,

HEBREW 9:22

Hingmei shahkungnyü phangkü iy yah-ei lemphüli daühüteke, hatü iy nehaipheikü mang tükpü neshiü.

LEVI 8:14

Hapheikü Mosai mang moila shuohhen mohohbaong müei deiyei Aaron hatü chehathüi hapalei shangjing kü jomei laki dükhü.

LEVI 1:4

Büpai jakei shuohhen yemhalei shangjing kü büpalei laki dükhütuh, hatü hapayü büpalei mang tükhen shingvaishi hapa jakpü moila yahhen.

BHEI-IE 8:8

Jomi mohoh chebaong hük hatü olive mainga nyettü atta yahhen, hatü nüngi mang moila shuohhen shingvaishi nyipabü mohoh chebaong yahhen,

BHEI-IE 6:16

Ngongpai hathü kemei Shembüpa kü shuohhen, hatü jomi mang moila hatü jakpü moila shuohhen.

BHEI-IE 6:14

hatü Shembüpa kü jakpü moila shuohhen kawhikang neshiüpü vangbong hük lompü mi chebaongha hük, mang moila shuohhen vangbong hük lompü kawhikang neshiüpü mi chebiha hük, mongjempü moila shuohhen kawhikang neshiüpü mi chebaongha hük shei moila koei peihen.

LEVI 16:21

hatü Aaroni yum shangjing kü büpalei lak nyipheni dükhen, hatü hapa kü Israel nanglakthülei mang, jom pungpüshaipü, jomi khüei yaongpü lemphü mang yum shangjing kü kohühen hatü hapa dükhen shingvaishi jepü shennyaki müei hapa yum jahpanei deitükhen.

LEVI 16:11

Aaroni mohohbaongü büpa hatü büpalei shem am shingvaishi mang moila shuohhen,

LEVI 16:6

Aaroni mohoh chebaong hük yah-ei büpalei mang tükhen shingvaishi mang moila hatü jom shem shing shuohhen.

LEVI 14:22

hatü athuba nyi nevaijü khakhi ouha nyi büpai aokshampü, hük mang moila shuohhen hatü hükpayü jakpü moila shuohhen koei peihen.

LEVI 9:7

Hatü Mosai Aaron kü, “Moidü yopailei heihkei, hatü nüngei mang moila hatü jakpü moila, nüng hatü nanglakthülei mang tükhen shingvaishi hapa moilatuh; Shembüpai epükei nanglakthü kü mang tükhen shingvaishi jakpü moila shuohtuh” shei e.

LEVI 8:34

Shinnyih mehe düktepa, hayü ammei mang tükhen nangkü Shembüpai epü nyüke.

LEVI 8:18

Shao büpai jakpü moila shuohhen mi chebaongha deiyei Aaron hatü chehathüi hapalei shangjing kü jomei laki dükhüteke,

LEVI 5:7

Büpai mi nevaijü yum neshuoh-aokjema, büpai thahpü mang shingvaishi Shembüpa touei athuba nyi nevaijü khakhi ou nyi koei peihen, hatü mang moila shuohhen, hatü hükpayü jakpü moila shuohhen.

LEVI 4:35

Büpai mongjempü mi moila kübü cheü nyiukpükei haleipü cheü kemei nyiukhen, hatü ngongpai hapayü moidü shangei Shembüpa kü aw kü jakpü hahying moila shangkü jakhen. Hapakei ngongpai hapa nanglaki thahpü mang shingvaishi moila shuohhen, hatü büpalei mang tükhen.

LEVI 4:20

hatü büpai mang moila shuohpü mohoh kü nemnopükei büpai hapa mohoh-ao nemnohen. Hapa keiha ngongpai jomei mang shingvaishi moila shuohhen, hatü jomei mang tüktükhen,

LEVI 4:4

Büpai hapa mohoh ashakshem shadenei yah-ei peiyei Shembüpa kü shuohhen. Büpai hapalei shangjing kü büpalei laki dükhen hatü hapa Shembüpa tou kü jühen,

LEVI 4:15

Khong kü behethüi hapa mang moila shuohpü mohohlei shangjing kü jomei laki düktü Shembüpa tou kü ha jühen,

BHEI-IE 8:13

Nüngi Aaron hatü chehathü touei Levi am yaonghütuh, hatü ngei kü hayaoha thintho kei daüei shuohtuh.

LEVI 8:15

Mosai mohoh jü, hatü iy hanei yah-ei büpalei lakjaangi moidü daühen moidü leipü vaung kü nyioteke. Aopü iy kemei büpai moidü chongei lang; hapheikü büpai hapa daütük.