BHEI-IE 7:10 - DAÜLANGPÜ LAIHING (BSI)

¹⁰ Moidü thiteiphuei daühen mübüthüi moila koei pei, hatü hathü moidü touei shuoh.

BHEI-IE 7:10 Referans Kwoze

2 SHÜPPÜKENGPÜ 7:9

Nyih shetpabü kü jom thaipü longpü nyu. Nyih nyet thahshi phopshem daüei thempheikü shao nyih nyet thahshi mo moteke.

NEHEMIAH 12:27

Jerusalem chingnyü bham leüshingkü haishi nyupü Levi am kemei mongongshi, menvih shuohei cymbal hatü harp vüngei kesho lokhen shingvaishi Jerusalemei nyükei lei,

2 SHÜPPÜKENGPÜ 7:5

Solomoni mohohbaong 22, 000 hatü mi 120, 000 moila shuoh. Hapa keiha ongpa hatü nanglakthüi Kahvangei shem daüteke.

1 ONGPATHÜ 8:63

Solomoni Shembüpa kü mongjempü moila mohoh 22, 000, hatü mi 120, 000 shuoh. Hapa keiha ongpa hatü Israel nanglakthüi Phopshem daüteke.

SHAHKÜP 20:5

Hahepak kü veshan lakchongbüthüi veshanthü kü, “Amphong hamei shemja vetü mangdaüi nyüpü je? Hakei vaijema büpa nyokei leidaituh. Hei nevaijema büpa vehok kü mahdaihen hatü hapa shem mih hanei ami daülanghen.

MENVIH KESHO 30:1

Ngei nüng vihhen, Oh Shembüpa, mehenangkü nüngi ngei tukei an, hatü ngelei vepathü ngei shak kü mongneonghü.

NEHEMIAH 12:43

Jomi ha nyih jakpü moila longi shuoh, hatü nanglakthü mongongpai maei nyu, hatü Kahvangi jom longi mongonghü. Nyüha hashih peü mongong hatü Jerusalemei mongongmonglepü taileiyao dan.

BHEI-IE 7:1

Mechem Mosai ashakshem veyei tempa, büpai ashakshem hatü haleipü douhinangthü peü thiteiphuei daüteke. Büpai moidü hatü haleipü dükhi-ümthü peü thiteiphuei daüteke.

BHEI-IE 7:11

Mehenangkü Shembüpai Mosa kü, “Nyih ieyei mübü hük hüki moidü daühen shingvaishi moila koei peiyei moilahütuh” shei e.

BHEI-IE 7:84

Hathüyü moidü thiteiphuei daüpü hepak kü Israel amei mübüthüi koei peipü moilathü nyuteke: Ngini lingpü nükshung anpünyi, ngini lingpü chilimji anpünyi, hatü hon nükshung anpünyi.

BHEI-IE 7:88

hatü mongjempü moila shuohhen shingvaishi yemhimak peüshep mohoh chebaongha hapüali, mi chebaongha pejem, yum pejem hatü vangbong hük lompü mi chebaong pejem nyuteke. Hathüyü moidü thiteiphu pheikü daühen shingvaishi shuohpü moilathü nyuteke.