BHEI-IE 6:5 - DAÜLANGPÜ LAIHING (BSI)

⁵ Jom Nazirit shei lahtü nyupü thahshi jomei sho nevaijü jumum nejaphen. Shembüpa kü lanei shuohpü hepak mangpeih thahshi jom daülangpü nyüke; jomi sho hatü jumum lushi banhen vongbong.

BHEI-IE 6:5 Referans Kwoze

1 SAMUEL 1:11

Pinnyüi, “Oh Jeiyong Shembüpa, nüngi nüngei chongphobü mongshang kü mon-üng veiphülangmeyü hatü nüng chongphobü nebetüki deih-ei dangtü bahanaü hük dangkao yahphülangmeyü ngei büpalei yangnyu den kemei Shembüpa chongphohen lanei shuohhen, hatü büpalei shangjing kü meet-i chemao neshemhen” shei hapakei lah-ei eteke.

SHAHPHENBÜTHÜ 16:17

Hanangkü büpai pinnyü kü lemphü shahjo eteke. “Ngelei sho chemao mangkup; mehenangkü ngeiyü bühhinüng hayaoha Nazirit shei Kahvang shingvaishi lanei shuohtükpü yangnyu hih. Ngelei shuo kuptükjema ngelei wong mahdaihen hatü ngei lebü shennyak kei-üng wong nekoh-i leikahen hih” shei eteke.

SHAHPHENBÜTHÜ 13:5

mehenangkü nüng büm nekongi leihen hatü yeshang hük bühhen. Büpalei sho lanshei nekuphen; mehenangkü hapa naü-ü bühhinüng Kahvang kü lanei shuohtükpü Nazirit shennyak hük vaihen, hatü büpai Philistia amei lak kübü Israel am yanghen chongpangkahen” shei e.

SHAHPHENBÜTHÜ 16:19

Delilah-i yawh-eiyangei pinnyülei shüngdok shangei Samson shinshihtü shennyak hük nyükei büpalei shodü nyetphen kuptük, hatü büpa wong nekoh-i lei; mehenangkü büpalei wong mahdai.

PHONGSHANTHÜ DOU 18:18

Halei hepak kansho hük nyupheikü Pauli vaipüthü kü selam shah ephongtü Priscilla hi Aquila nyi müei Syrialei leidai. Cenkhrealei büpa sho japteke; mehenangkü büpa lahtüktü nyuteke.

BHEI-IE 6:4

Jom Nazirit vaipü mong aa thahshi büpai nyalingngupai kübü vampü vang nevaijü nyalingngupai shuw meheyao nehahhen.

EZEKIEL 44:20

Jomi sho chaei nekuphen, nevaijü sho lushi netuhhen; jomi sho japtükhen.