BHEI-IE 3:6 - DAÜLANGPÜ LAIHING (BSI)

⁶ “Levi am phang Aaron ngongpa touei müei deikei hatü jom büpa mü sheühteihen jetuh.

BHEI-IE 3:6 Referans Kwoze

MALAKI 2:4

Hanangkü Levi am mü ngei vangteipü nedoh-i dükhen shingvaishi ngei am kü hapa kangpü shompü khih shei ammi nyinghen shei Shembüpa Kahvangi enyüke.

SHAHKÜP 10:8

Hahepak kü Shembüpai Levi am phangi Shembüpalei Vangpüshuwpü Pela kohen, hatü Shembüpa kü ngongpathü kei chongphohen, hatü büpalei men kü moihiman yühen shingvaishi hayaoha jeyei tuhteke. Hathüyü shaang thahshi jomei dousho nyüke.

BHEI-IE 2:33

Shejoong Shembüpai Mosa kü epükei Levi amü lebü Israel am mü bhei-ie kü neom.

BHEI-IE 2:17

Shongpü khong nyi hatü shoumpü khong nyi aa kü ashakshem hatü Levi am phangdep jiamei ittü daihen. Hanpü khong peüi baümtap vepü aimü laophü laophülei khüamlung phangkü daihen.

BHEI-IE 3:5

Hahepak kü Shembüpai Mosa kü,

1 SHÜPPÜKENGPÜ 23:32

Hanangkü Levi ami ashakshem, daülangpü shing kü veihen shuohpü dousho keiha Shembüpalei shemei Aaronei hühihathü phangkü dou dükei nyu.

2 SHÜPPÜKENGPÜ 29:11

Hapeüthü, shaang nyüshulük kü tenyu; mehenangkü Shembüpai am büpa touei yaonghen, büpa chongphohen, hatü büpa touei ayingshü jakei chongphohen jepeih.”

EZRA 6:18

Hatü jomi Mosa shahkung kü nyangei nyupükei ngongpathü hatü Levi am laophü laophü khong aimü Jerusalemei Kahvang chongphohen hanteke.

BHEI-IE 18:21

Shembüpai eteke, “Israel ami ngei kü shuohpü ankhong lemphü ngei Levi am kü ashakshemei chongphopü nangkü shuohtüktih.

1 SHÜPPÜKENGPÜ 6:33

Hathüyü laophülei hapeüthü mü chemi chongphopüthü: Kohath am kübü: kesho lokbü Heman, Joelei cheha. Jomei bülem ieyei leipü Jakob thahshi hapakei: Heman, Joel, Samuel,

1 SHÜPPÜKENGPÜ 15:2

Hapheikü Davidi, “Üpaiyao nevai, shejao Levi ami hapa Kahvangei Vangpüshuwpü Pela kohen; mehenangkü Shembüpai jomü hapa Vangpüshuwpü Pela kohen hatü hapa chongphohen jepeih” shei e.

1 SHÜPPÜKENGPÜ 23:28

Levi amei dousho-ü Aaronei hühihathü kü Shembüpalei shemei dousho kü sheühteihen, chingshe pekon, hatü haleipü dungthü kü veihen, hatü Kahvangei shemei daülangpü douthü daühen hatü lebü douthü dükpü kü sheühhen nyuteke.