BHEI-IE 24:8 - DAÜLANGPÜ LAIHING (BSI)

⁸ Kahvangi jom Ijip leipü müei leipeih, büpa jom shingvaishi phaünya kei wong kohshi nyüke. Büpai vepa jatthü lühtüknyüke, hatü jomei vangthü nihtüknyüke; büpalei lahhani jom kü hümnyüke.

BHEI-IE 24:8 Referans Kwoze

MENVIH KESHO 45:5

Nüngei lahhan deplükpai ongpa khüpü vepathülei mongdang kü hümtuh; jatthüi nüngei la tüngei doei lemhütuh.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

MENVIH KESHO 2:9

Nüngi nyiamlüng hük notü jom mangtükhen, nüngi jom haümdük nihpükei khih mü nihtükhen.

BHEI-IE 23:24

Veituh, nanglakthüyü mailang chenyü kei vamnyüke, hatü jom nyingi mailang kei ngaikünyüke. Hapayü het manghah thahshi neshinyu, hatü iy mangying thahshi nenmü nenyunyu.

BHEI-IE 23:22

Kahvangi jom Ijip leipü müei daipeih; Büpayü jom shingvaishi phaünya kei wong kohshi nyüke.

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

JEREMIAH 50:9

Mehenangkü ngei apsha kahdok phi leipü longpü jatthü mongjemhütü Babylon khüei vamhühen hatü müei peikahen hatü jom hahtükhen. Jomei lahhanü mechemao kong mü neleipü hampalei lahhan kei nyuhen.

ISAIAH 38:13

Ngei nepnüng dhom ngoishi thepei phop, shejao mailangi keiha büpai ngelei vang nihtük; Nyak hi ngai thüngei nüngi ngei dohpü lemei mü.

DANIEL 6:24

Hahepak kü ongpai Daniel nyonghüpüthü peü yephen ngeükhüam shuoh, hatü jomphong peü jomei chenyühathü, hapeüthü mü mailang khok kü yepei shükshuohteke. Jom chongao mangngoi-i mailangthü laongei shükteke hatü vangao khih mü shaaitükteke.

MENVIH KESHO 21:12

Mehenangkü nüngi jom nyaitükhühen; nüngi jomei dhe kü lahhani kaphen.

SHAHKÜP 32:42

Ngelei lahhani jomei iy yinghen, hatü ngelei yanlui phai hahhen. Ngei khüei hokpüthü hükao neyanghen, ma yahpü hatü wüpküpei nyupü peü dihen.

SHAHKÜP 32:23

Shanghah vongshüh-i jom kü chethühen, hatü ngelei lahhan kemei jom kü kaphen.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

BHEI-IE 21:5

hatü Kahvang hatü Mosa nyi khüei, “Jahpanei dihününg mehekei Ijip leipü ham müei daipa? Hahying neshiü! yinghen yung neshiü! Henüng nemeipü hahyingi tengteke” shei eteke.

MATHI 2:15

hatü Herod mangdi thahshi halei nyu. Hapayü Shembüpai thihivam homei, “Ngei ngelei ha Ijip leipü nyükpeih” shei eyei nyupü jiühühen shingvaishi ha vampeih.

JOSHUA 2:10

Am Ijip kübü vamei daishingkü mekei Shembüpai am shekü Hakla Yungching kübü yung ütükpa, hatü Jordan apshaphi kübü Amor am Sihon hatü Og ongpa nyi kü ammi mehe dükshuohpa, hatü mekei chemjalak kü mahtükpa, ha hami dantepih.

MÜLANGPÜ 23:22

Shejao büpai epü kü ammi kenhingei bangjema, hatü ngei epü dükjema, ammei vepathü kü ngei vepa vaihen, hatü ngei ammei vepa khüei hokhen.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.