BHEI-IE 24:7 - DAÜLANGPÜ LAIHING (BSI)

⁷ Jom kü vang changshi keihen, jomei sheilivungla-i yung changshi danghen. Jomei ongpayü Agag mao longpüba nyuhen; jomei ongching longei anshihhen.

BHEI-IE 24:7 Referans Kwoze

1 SHÜPPÜKENGPÜ 14:2

Israel shak kü ong vaihen shingvaishi Shembüpai büpa chonglingei tuhphongpeih, hatü Israel nanglakthülei men kü büpalei ongching shangei longei anshihpeih shei Davidi nying.

2 SAMUEL 5:12

Shembüpai büpa Israel shak kü ong vaihüteke shei Davidi nying, hatü büpai büpalei ongching Israel nanglakthülei men kü longei anshihteke shei nying.

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

JEREMIAH 51:13

Yungnyü yungha longi nyupü, hatü mop longi angpü kahmük; Am kü dohpütenpü hatü am mahhen hepak ngoiteke.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 17:15

Hapheikü hapa vangsho phongshani ngei kü eteke, “Nüngi eepü hapa büm yupü nyühai uopü yungthüyü nanglakthü, khongnyü, jatthü hatü shahlemthü;

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

MENVIH KESHO 68:26

Khongnyü thaihiyu kü Kahvang men longtuh; Israel lihilathüi Shembüpa kü menvih shuohtuh.

MENVIH KESHO 18:43

Ngei khüei yaongpü nanglakthü kübü nüngi ngei yang; nüngi ngei jatthülei shangjing leihüteke; ngei nenyingpü nanglakthüi ngei chongphonyüke.

EZRA 4:20

Jerusalem kü wong kohpü ongthü nyuei Euphrates heshüphi kü vanglem lemei lat hatü bom jom kü shuoh-ei nyuhampü khih.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

BHEI-IE 24:20

Hapheikü Balaami manghkhang kü Amalek am kü veiteke, hatü hapa tetpüvanpü shah eteke: “Jatthü khongkü peü mü shongpeyü Amalek am, shejao hapalei dohpeyü denden kü mahhen ha nyüke.”

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

1 ONGPATHÜ 5:1

Mechem chepa David kü jeiyei ong vaihen cheha Solomon jeteke shei Tyre ongpa Hirami danpa, büpai laophülei chongphobüthü Solomon touei shom; mehenangkü büpa düngei David mü mongjem pongei nyu.

ESTHER 3:1

Hathü dou vampheikü Xerxes ongpai Agag am Hammedathalei cheha Haman büpa mü nyupü lakchongbüthü peü shak kü shaopü uoshing kü uohü.

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

ISAIAH 30:25

Hapa jüteipü nyih longpü kü shangdü kemei benei vüdaihen, hatü kahshang hatü shangtao shaopü peü kü yungyen keiha iy yenhen.