BHEI-IE 22:6 - DAÜLANGPÜ LAIHING (BSI)

⁶ Hanangkü peikütuh hatü hathü nanglakthü kü thaüvaüeishuoh; mehenangkü ham meyü jom-üng nyeishi, wong kohshi nyüke, Shejao üpai nyingpa, hami-ang neütü kahmük kübü changtükhen aokpeih. Mehenangkü nüngi moihimanpüthüi moihiman dangnyüke, hatü nüngi thaüvaütükpüthü kü thaüvaü hetnyüke.”

BHEI-IE 22:6 Referans Kwoze

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

PHONGSHANTHÜ DOU 16:16

Nyih hük hamphong phoppü shingei daiyei nyushingkü phongyomteihen laangha kohpü aa lanyü hük hamphongi heüpeih, hatü pinnyüi tetei epü nangkü pinnyülei shembüi lop longi danghampü khih.

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.

NEHEMIAH 13:2

Mehenangkü jomi Ijip leipü Israel am leishingkü hahying yungying neshuoh, shejao Israel am kü thaüvaühen lop shuohtü Balaam shak. Shejao hamei Kahvangi hapa thaüvaü moihiman leihüpeih.

1 ONGPATHÜ 22:13

Mikaiah kü nyüknüng deishihpü naühai büpa kü, “Veituh, lebü thibüthü kemei aihük mü ongpai aokpü danghen khih shei eteke. Nüngiyao hathüi epükei meishi eyeishuoh” shei e.

1 ONGPATHÜ 22:8

Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

1 ONGPATHÜ 22:6

Hanangkü Israel ongpai thibüthü jom kho ali hükshing nyükei leiyei jom kü, “Ngei Ramoth-Gilead hahnüng daihen hi nedaihenang?” shei phe. Jomi büpa kü, “Daituh, mehenangkü Shembüpai ongpalei lak kü hapa shuohhen” shei e.

1 SAMUEL 17:43

Büpai David kü, “Nüngi ngeiyü shi hük hih shei deihshi lenshuoh notü heihkünyu je?” shei e, hatü hapa Philistia naühai Kahvang men noshi David kü thaüvaüei e.

SHAHKÜP 23:4

Mehenangkü am Ijip leipü leilemei jomi am kü hahying hatü yung shuohhen nemongpeih, hatü am kü thaüvaühen shingvaishi Mesopotamia kahdok Pethor ching leipü Beorlei cheha Balaam lat shuohtü müei leipeih.

BHEI-IE 22:17

Ngei nüng kü thintho changshi yahphahen, hatü nüngi mehe ephahenshang ngei dükphahen hih. Peikütuh, hatü hathü nanglakthü kü thaüvaütükkütuh’ ” shei e.

BHEI-IE 22:12

Shejao Kahvangi Balaam kü, “Nüng jomphong mü tedai, hatü hathü nanglakthü kü tethaüvaü; mehenangkü jomphongü moihimanpüthü nyüke” shei e.

KAHBHAO 27:29

Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

KANDOK 26:2

Shing nelingi piteipü ajekha kei, nevaijü khihmang ouha yüteipü keiha, nüngi danghen neshangpü kü thaüvaü nehetnyih.

MENVIH KESHO 109:28

Jomi nyemthaüvaü, shejao nüngi moihimanphahen. Ngei kü shüveipüthü veühütuh; nüngei chongphobü mongonghütuh.

JOSHUA 24:9

Mechem Moab ongpa, Zipporlei cheha Balaki Israel am khüei hokhen tempa, büpai am kü thaüvaühen shingvaishi Beorlei cheha Balaam nyükhen shompeih.

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

BHEI-IE 23:13

Hahepak kü Balaki Balaam kü, “Israel am hanei monha eepü lebü shing hükei ngei müei daishah. Haleipü nüngi ngei leimao jom kü thaüvaüeishuoh” shei e.

BHEI-IE 23:27

Hapheikü Balaki Balaam kü, “Ngei nüng lebü shing hükei müei daishah, huoi. Üpai nyingpa, antolei daijü ngei leimao nüngi jomphong kü thaüvaühen Kahvangi mongkahenao aokpeih” shei e.