BHEI-IE 22:12 - DAÜLANGPÜ LAIHING (BSI)

¹² Shejao Kahvangi Balaam kü, “Nüng jomphong mü tedai, hatü hathü nanglakthü kü tethaüvaü; mehenangkü jomphongü moihimanpüthü nyüke” shei e.

BHEI-IE 22:12 Referans Kwoze

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

SHAHKÜP 23:5

Shejao Shembüpa, ammei Kahvangi Balaami epü kü nebang; am shingvaishi thaüvaü-ü moihiman leipeih; mehenangkü Shembüpa, ammei Kahvangi am kü bamteke.

ROM SHAHSHA APPÜ 11:29

mehenangkü Kahvangei thintho hatü büpai nyükpü yahlangnüng neaok.

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

SHAHKÜP 33:29

Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

MATHI 27:19

Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

MENVIH KESHO 146:5

Jakob Kahvangi sheühhahpü amü moihiman, Shembüpa, jomei Kahvang kü monglempüthü moihiman!

MENVIH KESHO 144:15

Hapa keipü moihiman dangpü nanglakthü moihiman; Shembüpayü üamei Kahvang vaihenshang moihiman.

BHEI-IE 23:23

Jakob khüei mehe phongyomhen; Israel am khüei meheyao tetpüvanpü nenoaokpih.” Shaang Israel am nangkü, “Kahvangi mehe dükpa veituh!” shei eteihen.

BHEI-IE 23:3

Hahepak kü Balaami Balak kü, “Ngei lüdaijü nüngei moila touei yaongshi chongkei, üpai nyingpa Shembüpa ngei mü pongteinüng yiüei nyunüng aokpeih. Büpai mehe ephahenshang, ngei nüng kü ekahen” shei e.

BHEI-IE 22:6

Hanangkü peikütuh hatü hathü nanglakthü kü thaüvaüeishuoh; mehenangkü ham meyü jom-üng nyeishi, wong kohshi nyüke, Shejao üpai nyingpa, hami-ang neütü kahmük kübü changtükhen aokpeih. Mehenangkü nüngi moihimanpüthüi moihiman dangnyüke, hatü nüngi thaüvaütükpüthü kü thaüvaü hetnyüke.”

BHEI-IE 22:11

Ijip leipü vamei daipü nanglakthüi kahmük madaiteke. Hanangkü peikütuh hatü hathü nanglakthü kü thaüvaütükkütuh. Shejüang üpai nyingpa, hami jom neütüktü kahmük kübü changtükhen aokpeih shei hapa shahjang shompü khih” shei eteke.

BHEI-IE 22:13

Nepphei Balaami Balakei phongmokbüthü kü, “Ammei kahmükei leidaituh; mehenangkü Shembüpai ngei kü amphong mü tedai shei ephopeih” shei eteke.

BHEI-IE 23:8

Kahvangi nethaüvaüpüthü kü ngei mekei thaüvaühen? Shembüpai ne-eelapüthü kü ngei mekei eelahen?

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

SHAHKÜP 7:14

Nanglak üamiyao am kei moihiman nedanghen; ammi baha nevaijü nyüha hapeü neshiüi nevaijü ammei yemhimak mepaiyao cheha neshiüi nenyuhen.

SHAHKÜP 28:6

Nüng daipü leipü peü kü Shembüpai moihimanphahen.

2 SHÜPPÜKENGPÜ 31:10

hatü Zadok am shem ngongchong Azariah-i, “Sheyü nanglakthüi phopshemei moila koei peiyei pangdaipü nangkü hami changshi hahtü shao longi aonyüpeih; mehenangkü Shembüpai laophülei nanglakthü kü longi moihimannyu khih, hatü hathüyü aopü khih” shei jangei e.

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.