BHEI-IE 21:7 - DAÜLANGPÜ LAIHING (BSI)

⁷ Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.

BHEI-IE 21:7 Referans Kwoze

PHONGSHANTHÜ DOU 8:24

Simoni, “Nüngi shaang epü meheyao ngei kü nedhaümhen Shembüpa kü ngei shingvaishi phopshih” shei jangei e.

MENVIH KESHO 78:34

Mechem büpai jom jüpa, jomi büpa yemteke; jomi mong lepei büpa touei leiteke.

BHEI-IE 11:2

Shejao nanglakthüi Mosa kü sheühshih shei leneiwong; Mosai Shembüpa kü phopshuohshingkü aw metdai.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

MÜLANGPÜ 8:28

Hanangkü Pharaoh-i, “Jahpanei Shembüpa, ammei Kahvang kü jakpü moila shuohhen ngei am leishihhen, shejao am longi taishi nedaihen vongbong. Shaang ngei shingvaishi phopshih” shei e.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

ROM SHAHSHA APPÜ 10:1

Jeihinaü hatü nyahinaüthü, ngelei mongi lümpü, hatü ngei jom shingvaishi Kahvang kü phoppeyü jom yemleihen shingvaishi phopnyüpeih.

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

JEREMIAH 37:3

Zedekiah ongpai Jeremiah touei hapa shahjang koei Shelemiahlei cheha Jehukal mü Maaseiahlei cheha Zephaniah ngongpa shom: “Hamphong shing chingmeilemlingei Shembüpa, jenei Kahvang kü phopshih.”

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

MENVIH KESHO 106:23

Hanangkü büpai jom mahtükhen shei e; büpai jelangpü chongphobü Mosa paoh baong kü itei neyaonglang meyü büpalei mongshih nemeihüaokhenmü shepeih.

JOB SHAHSHA APPÜ 42:10

Hapheikü Jobi küphüthü shing phopshingkü Shembüpai Job kü shelei angpü kü shao shing nyi üei moihimanshuoh.

JOB SHAHSHA APPÜ 42:8

Hanangkü shaang mohoh chebaong nyet, mi chebaongha nyet yah-ei ngei chongphopü Job touei heihtuh, hatü amphongi laophü shing moila shuohtuh, hatü ngelei chongphobü Jobi am shingvaishi phophen; mehenangkü ammei ngadou shangshi ngei nephahji-i nedükhen shingvaishi ngei ha moila yahhen; mehenangkü amphongi ngei chongphopü Jobi keiha ngei nang mehe jiü, ha ne-eang” shei e.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

SHAHKÜP 9:20

Hatü Shembüpai Aaronao jütükhen mü mongshih, shejao hahepak kü ngei Aaron nang kao phop.

MÜLANGPÜ 32:30

Nyihphei Mosai nanglakthü kü, “Ammi nyembenüng mang longpü thahteke. Shejao shaang ngei kahshangei Shembüpa touei aonghen; üpai nying, ammei mang tükeishuoh shei eshuohhen” shei e.

MÜLANGPÜ 32:11

Shejao Mosai Shembüpa, büpalei Kahvang kü khümei eteke, “Oh Shembüpa, nüngei laklu wong longpai Ijip kahdok leipü nüngi müei leipü nüngei nanglakthü khüei mehekei mongshih vamnya?

KAHBHAO 20:7

Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

KAHBHAO 20:17

Hapheikü Abrahami Kahvang kü phop, hatü Kahvangi Abimelekh, chenyüha hatü nyüha aathü peü hapeü anghen mü meitükshuoh;

2 ONGPATHÜ 13:4

Hahepak kü Jehoahaz-i Shembüpa kü phop, hatü Shembüpai Israel am kü Aram ongpai shüveipü eetü hapa phoppü kü jangteke.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

MÜLANGPÜ 8:4

Loukthüi nüng, nüngei nanglakthü hatü lakchongbüthü kü bakkahen” shei eteke.

MÜLANGPÜ 10:17

Shao-üng chem ngelei mang tükshih, hatü Shembüpa, ammei Kahvang kü ngei toueipü hapa dibenüng hanghi yahlangeishuoh shei phopshih” shei eteke.