BHEI-IE 20:12 - DAÜLANGPÜ LAIHING (BSI)

¹² Shejao Shembüpai Mosa hi Aaron nyi kü loh-ei eteke, “Israel nanglakthü touei ngaipü daülangpü nganhiwong nyüpeih shei nyinghen mü hinglempü anji kü changshi nenyupü nangkü ngei jom kü shuohpü kahdokei anjinyi-i jomphong müei neshüaokpih.”

BHEI-IE 20:12 Referans Kwoze

SHAHKÜP 1:37

Amphong tata kü Shembüpai ngei kao mongshih-ei, “Nüngi dangkao hapa kahdokei neshüaokpih” shei ephopeih.

EZEKIEL 36:23

Ammi lebü jatthü touei neienelemi sheihtükpü ngelei longpü men daütükhen, hatü jatthüi ngeiyü Shembüpa shei nyinghen. Am homei jomei mük touei ngelei daülangshemshe huhen shei Shembüpa Kahvangi enyüke.

BHEI-IE 27:14

mehenangkü Zin jahpanei anjinyi-i ngelei shah khüei yaongpeih. Mechem nanglakthüi Meribahlei ngei khüei eelapa, anjinyi-i jom touei ngelei daülangpü nganhiwong nenyinghüangpih” shei eteke. (Meribah-ü Zin jahpan Kadesh shei epü shingeipü yung nyüke).

BHEI-IE 20:24

“Ngei Israel am kü shuohhen shei lahpü kahdokei Aaron neshüaokhen; mehenangkü Meribahlei anjipheni ngei epü khüei yaongpeih.

ROM SHAHSHA APPÜ 4:20

Kahvangi lahpü nangkü hingnelempai büpa nejü-ü, shejao büpai Kahvang kü müknyinshekhang shuoh-ei büpa hinglempü kü wong koh-ei lei.

LUK SHAHSHA APPÜ 1:45

Shembüpai pinnyü kü mehe etepa ha jiükahen shei hinglempü pinnyü moihiman!”

LUK SHAHSHA APPÜ 1:20

Shejao hapa jiüpü hepak kü ha dhaümhen shei epü ngelei shah kü nüngi hingnelempü nangkü ha dhaümpü nyih mangngoi thahshi nüngi shah ne-eaoki nyuhen” shei jangei e.

MATHI 17:20

Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

ISAIAH 8:13

Shejao Jeiyong Shembüpa, büpa mon daülangpü shei deihtuh; büpa kü mon ammi nyemei hanei deihtuh.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

MATHI 17:17

Jisui, “Amphong hingnelempü hatü nyongnyongi lüdaipü denhivan, ngei meshük lushi am mü nyukahen? Ngei meshük lushi am mü chemi nyukahen? Büpa ngei touei deikei” shei e.

EZEKIEL 38:10

Shembüpa Kahvangi hapakei enyüke: Hapa nyih nüngei mong kü chudeih peikahen, hatü nüngi nemeipü küpjan temhen.

EZEKIEL 20:41

Vong meipü meli keiha halei ngei am yahhen, ngei amphong mih nanglakthü hatü lebü kahmükthülei haidaipü peü thaiyei leihen; jatthüi eeshi ngei ngelei daülangshemshepü shakei vamhühen.

ISAIAH 7:9

Israel amü jomei chingnyü Samaria mü wong kohpü nevai, hatü Samariayü Pekah ongpa mü wong kohpüba nevai. Nüngi hinglempü kü wong nekohjema, nüng shenei nenyuaokpih.”

2 SHÜPPÜKENGPÜ 20:20

Jom dhom mü lomi paoei Tekoa jahpan lemei heih. Jom layaong shingkü Jehoshaphati yaongtü e, “Judah hatü Jerusalem nanglakthü, ngei epü banghümao! Shembüpa, ammei Kahvang kü hinglemtuh, shejüang wong kohshi yaongaokhen; büpalei thibüthüi epü kü hinglemtuh, shejüang am aokpü danghen.”

JOSHUA 1:2

“Ngelei chongphobü Mosa didaiteke. Israel am kü ngei shuohhen shei epü kahdokei Jordan yung homei daihen nüng hatü nanglakthü peü layaonghen temtuh.

SHAHKÜP 34:4

Hahepak kü Shembüpai büpa kü, “Hapayü ngei Abraham, Isak hatü Jakob hathü kü ngei ammei hühihathü kü shuohhen shei lahpü kahdok nyüke. Ngei nüng kü ha huphünyeih, shejao nüng halei nepeiaokhen” shei eshuohteke.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

BHEI-IE 11:15

Nüngi hapakei ngei kü linghen vaijema, shaang-üng ngei jütüktuh shejao nüngi ngei kü phahjiei deihjema, ngei hapakei teponghü” shei eteke.

SHAHKÜP 4:21

Am nangkü Shembüpai ngei kü mongshih, hatü kahcheü kohpü kahdok, Shembüpa, ammei Kahvangi am kü shuohpü kahdokei ngei Jordan yung homei nedeishihpih shei eteke.

MENVIH KESHO 99:8

Oh Shembüpa, hamei Kahvang, nüngi jom kü jangteke; nüngü jom kü mang tükpü Kahvang nyuteke, shejao ten dükpü amkü bhüh yembü nyuteke.

MENVIH KESHO 106:32

Jomi Meribah yungei Shembüpa mongshih vamhü, hatü jom tata kü Mosa shanghah kü nyu.