BHEI-IE 18:8 - DAÜLANGPÜ LAIHING (BSI)

⁸ Shembüpai Aaron kü, “Jakpü moila nevaijü lebü nyeinya moila Israel ami ngei kü shuohpü kemei nüng hatü anhapeüthü kü den shingvaishi ammei phaihan vaishi shuohnyüpeih.

BHEI-IE 18:8 Referans Kwoze

LEVI 6:16

Aaron hatü chehathüi aopü kemei hahhen, shejao hapayü daw neshih-i daülangpü shingei hahhen; jomi hapayü ashakshem chingshelei hahhen.

LEVI 7:6

Ngongpalei shem am bahathü peüi hapa hahhen aok, shejao hapayü daülangpü shingei hahhen; mehenangkü hapayü daülangpü nyüke.

LEVI 6:18

Aaron kübü phaakpü baha peüi hapa hahhen aok. Ngoikahen hühiha denshem peü shingvaishi Shembüpa kü aw kü jakei shuohpü moila kübü büpalei phaihan düngeipü shing nyüke. Mepa mepai hapa kü honghenshang daülangi leidaihen.

MÜLANGPÜ 40:15

hatü nüngi chepa kü nyiopükei jomiyao ngei kü ngongpathü kei chongphoaokhen shingvaishi mainga nyioeishuoh. Hapa mainga nyiopai jomphongü ngoikahen hepak peü shingvaishi ngongpathü leihühen” shei eteke.

MÜLANGPÜ 40:13

hatü Aaron kü daülangpü ow owhütuh, hatü büpai ngei kü ngongpa kei chongphoaokhen shingvaishi büpa kü mainga nyioei daühütuh.

MÜLANGPÜ 29:29

Aaronei ngong-owthü kemei büpa pheikü chehathü kü shuohhen; jom ngong vaihen jeshingkü hapa owhen vongbong.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

ISAIAH 10:27

Hapa nyih ammei bhagchong leipü büpalei hanggovih bhühlanghen, hatü ammei bhagchong leipü büpalei kenh mangtükhen” shei enyüke.

SHAHKÜP 26:13

Hahepak kü Shembüpa, ammei Kahvang kü, “Ngei ngelei shemei leipü daülangpü ankhong moila aoei netuh-i Levi am, benhathü, hashihhathü hatü vaümnyüthü kü nüngi ephopükei shuohtüktih. Ankhong moila nangkü ngei nüngei shahkung nebangi nevaijü betüktü nenyuangpih.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 12:6

Hatouei ammei jakpü moila hatü lebü moilathü, ammei ankhong moila hatü mongmei moila, ammi shuohhen shei lahpü moilathü, ammei mongong moila hatü shongei shaanpü mohoh hatü mi chehathü hatou shingei koei peihen.

BHEI-IE 18:9

Moidülei nejakpü longi daülangpü moilathü: hahying moila, mang moila, pungpü moila kemei nüng hatü anhapeüthülei phaihan nyüke.

LEVI 21:10

Jom jeihinaüthü khongkü üpa kü ngongchong vaihen shingvaishi shangjing kü mainga phuei, hatü ngong-ow owhen jetepa, büpa mongshangpü huhen shingvaishi sho nehai-i nenyuhen nevaijü büpalei ashakviha neshaakhen vongbong.

LEVI 8:30

Mosai mainga hanei hatü iy hanei moidü leipü yah, hatü Aaron hatü chehathülei owhiai kü hai. Hapakei büpai Aaron hatü chehathü hatü jomei owhiai kemei daütük.

LEVI 6:26

Üpa ngongpai hapa mang moila shuohnya, büpai hapa hahhen; hapayü ashakshem chingshelei daülangpü shingei hahhen vongbong.

LEVI 6:20

“Hapayü Aaron thiteiphuei jepü nyih büpa hatü chehathüi Shembüpa kü koei peihen moila nyüke: Nyihjeih hahying moila shuohpü aimü atta dok hük, nepnüng dokbhao hatü om kü dokbhao shuohhen.

MÜLANGPÜ 29:21

Hapheikü nüngi moidü leipü iy maani, hatü nyiohen mainga maani yah-ei Aaron hatü chehathülei owhiai kü haiyeishuoh; shejüang büpa hatü chehathülei owhiai daülangi leidaihen.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

LEVI 7:14

Büpai moila shuohpü aan lem peü kübü aan hükbaong yah-ei Shembüpa kü thintho shuohhen; hapayü ngongpa üpai mongjempü moila iy yah-ei hainya, büpalei vaihen.

LEVI 7:28

Shembüpai Mosa kü eteke,

2 SHÜPPÜKENGPÜ 31:4

Büpai Jerusalemei nyupü nanglakthü kü ngongpathü hatü Levi ami Shembüpalei Shahkungnyü kei lanei shuoh-ei dou dükhen shingvaishi jom kü shuohhen hean jiüshi shuohtuh shei ngeükhüam shuoh.

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

MÜLANGPÜ 29:28

Hapayü Aaron hatü chehathü shingvaishi düngei Israel ammei phaihan nyukahen. Hapayü Israel ammi Shembüpa kü jomei mongjempü moila kübü shuohpü nyukahen.

LEVI 23:20

Ngongpai hapa aan mü mi cheha nyi yah-ei Shembüpa kü hayaoha thintho moila shuohhen. Hapayü ngongpathü shingvaishi Shembüpa kü daülangpü moila nyüke.

BHEI-IE 5:9

Israel ami ngongpa touei koei peipü thintho kemei Shembüpalei.

SHAHKÜP 18:1

Ngongpa phang Levi ami lebü Israel am mü kahdok mükjüp nedanghen. Jomphongü Shembüpa kü shuohpü moila hahshi nyuhen hatü hapayü jomei mükjüp vaihen.

2 ONGPATHÜ 12:16

Pungpü moila hatü mang moila kü peipü lop Shembüpalei shemei yah-ei nelei; mehenangkü hapayü ngongpathülei hean nyuteke.

2 SHÜPPÜKENGPÜ 31:5

Ngeükhüam danghinüng, Israel ami nekaungi shongpü betjük, yiüja, mainga, nyahjiü hatü kahlei vampü lemphüli shuoh. Jomi lemphü kübü ankhong longi koei pei.