BHEI-IE 17:5 - DAÜLANGPÜ LAIHING (BSI)

⁵ Ngei jepü shennyakei lenshuoh kü nien vamkahen, hatü Israel ami nüng khüei eelapü ngei dohtükhen” shei e.

BHEI-IE 17:5 Referans Kwoze

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

EZEKIEL 16:41

Jomi ammei shem awi shamtükhen hatü nyühathü longi eeshi am kü shahphenhen; am büm yupü ngei dohtükhühen hatü ammei chühimai kü lop shuohpü dohtükhühen.

BHEI-IE 17:8

Nyihphei Mosa ashakshem mongei shüjashingkü Levi jat men kübü Aaronei lenshuoh kü nien neenei ee. Hapa kü nien neenei, bong pungei almond betjükshüm jükei chongjateke.

BHEI-IE 16:11

Am Aaron khüei yaongpeyü Shembüpa khüei nüng hatü nüng phei müpüthüi yaongnyu khih” shei e.

EZEKIEL 23:27

Hanangkü ammi Ijiplei dükei chongpangpü iyjeiphailei hatü büm yupü dohtükhühen. Ammi ha douthü kü mong yungei nevaijü hajük kü Ijip nedeihhen.

ISAIAH 27:6

Ngoikahen nyihthü kü Jakob am tünglang yiühen, hatü jomi nien neenei bong punghen, hatü kahdoknyü peü kü betjüki mahen.

ISAIAH 13:11

Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

BHEI-IE 17:10

Shembüpai Mosa kü, “Aaronei lenshuoh Vangpüshuwpü Pela touei leiyei tuhphongtuh. Hapayü ngei khüei eelateipü Israel am, jom eelapü dohhühen shingvaishi lihen shahvüng hih, hei nevaijema jom dihen” shei e.

1 KORINT 10:10

Jom hanei ami langmaanpükei telangmaan; hanangkü jomü jüpü ami jütükpeih.

MÜLANGPÜ 16:7

hatü dhom mü ammi Shembüpalei müknyinshekhang eehen; mehenangkü ammi Shembüpa khüei langmaanpü büpai danteke. Ammi henji khüei langmaanhen henji üpaang?” shei e.

BHEI-IE 11:1

Shaang nanglakthüi jom shangpongpü nangkü Shembüpai danshi eelateke. Mechem Shembüpai hapa danpa, büpa mongshih, hatü jomphong kü aw shom, hatü baümtap jung phihük awi hahtük.

BHEI-IE 17:6

Hanangkü Mosai Israel am kü ha e, hatü jat ieyeilei mübüthülei lenshuoh hükbaong yah-ei mübüthüi büpa kü lenshuoh anpünyi shuoh, hatü Aaronei lenshuoh-ao hathü mü tuhteke.

MENVIH KESHO 105:26

Büpai jepü büpalei chongphobü Mosa hi Aaron nyi shom.

BHEI-IE 1:51

Mechem ashakshem shing chaiyei daihenshang, Levi ami ha koei daihen, hatü metou shingei ha yaonghen, Levi ami ha yaonghühen. Üpai hapa yopailei heihhenshang jütükhen.

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

2 SHÜPPÜKENGPÜ 26:16

Shejao Uzziah wong koh-ei leipheikü büpa changmeipai büpa doteke. Büpai Shembüpa, büpalei Kahvang kü hingnelem, hatü ayingshü jakpü shingei ayingshü jakhen phopshemei nyu.

EZRA 2:62

Hathülei bülem yemteke shejao nedangpü nangkü nedaünelangpü am shei eshi ngongpathü khongkü neomhüpeih.