BHEI-IE 16:5 - DAÜLANGPÜ LAIHING (BSI)

⁵ hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

BHEI-IE 16:5 Referans Kwoze

MENVIH KESHO 65:4

Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

BHEI-IE 17:5

Ngei jepü shennyakei lenshuoh kü nien vamkahen, hatü Israel ami nüng khüei eelapü ngei dohtükhen” shei e.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

BHEI-IE 16:3

Jomi Mosa hi Aaron nyi khüei khong lingtü peiyei jiji kü, “Anjinyi ahshi beiteke! Khong hatü nyülompaja peü daülangi nyüke, hatü Shembüpa jom mü nyüke. Mehekei anjinyi-i Shembüpalei nanglakthü dok kü aongnya?” shei eteke.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

PHONGSHANTHÜ DOU 22:14

Hahepak kü büpai, “Jenei bühipalei Kahvangi büpai mongpü nyinghen, hatü Daülangpü Hük eehen hatü büpalei ngeü banghen nüng jeteke;

PHONGSHANTHÜ DOU 13:2

Mechem jomi Shembüpa kü khümei shüaeiyungleyei nyupa, Laangha Daülangpai jomphong kü, “Mepa dou shingvaishi ngei jiji nyük, ha dou dükhen ngei shingvaishi Barnabas hi Saul nyi khaatei deishihtuh” shei e.

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

PHONGSHANTHÜ DOU 1:2

büpai jepü phongshanthü kü Laangha Daülangpü homei nyuhpheikü büpa vangsholei manganlangpü nyih thahshilei jung ngei nyangteke.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

EZEKIEL 40:46

hatü apsha philei meepü dungü moidülei chongphopü ngongpathü shing vaihen. Hathüyü Zadokei hühihathü, Levi phang khong kübü jomphong mon Shembüpa chongphohen nangkü yopailei heihhen” shei e.

MENVIH KESHO 105:26

Büpai jepü büpalei chongphobü Mosa hi Aaron nyi shom.

1 SAMUEL 2:28

Ngelei ngongpa vaihen, ngelei moidülei aonghen, ayingshü jakhen, ngei touei ngong-ow owhen shingvaishi Israel am jat longi khong kübü ngei büpa jepeih. Ngei büpa kü Israel ami aw kü jakei shuohpü moila-ao shuohpeih.

MÜLANGPÜ 28:1

Israel am khong kübü ngei shing ngongdou dükhen shingvaishi anjei Aaron hatü chehathü Nadab, Abihu, Eleazar, hatü Ithamar hathü nyükei nüng touei peihütuh.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

EPHESIA 2:13

Shejao shaang am chem yanei lüdaipü Khrista Jisu kü Khristalei iy homei yopailei müei leipeih.

PHONGSHANTHÜ DOU 15:7

Shah longi shüktei pheikü Peter yaongei jomphong kü, “Ngelei jeihinaüthü, hepak kansho hük daiteke, Kung ami shahjangmei danei hinglemhen shingvaishi jom kü chongvenhen amphong khong kübü Kahvangi ngei jeteke,

LEVI 8:2

“Aaron hatü chehathü, owhiai, nyiohen mainga, mang moila shuohhen mohohbaong, mi cheha nyi, hatü daw neshihpü aan mühdow deikei,

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

BHEI-IE 16:6

Korah, nüng hatü nüng phei müpüthü peüi hapa düktuh; ayingshü jakpü shung deituh,

BHEI-IE 17:8

Nyihphei Mosa ashakshem mongei shüjashingkü Levi jat men kübü Aaronei lenshuoh kü nien neenei ee. Hapa kü nien neenei, bong pungei almond betjükshüm jükei chongjateke.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

JEREMIAH 49:19

Jordan yingnyü leipü mailang hük vamei phenha nipü shing yemei daipü keiha, ngei Edom am ngangahük kü haleipü changtükhen; ngei hapa shak kü ngei üam jehenshang hathü tuhhen. Ngei lepü üpa nyüpa hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 50:44

Jordan yingnyü leipü mailang hük vamei phenha nipü shing yemei daipü keiha, ngei Babylon am ngangahük kü haleipü changtükhen; ngei hapa shak kü üam jehenshang hathü tuhphonghen. Ngei lepü üpa nyüpa, hatü üpai ngei kü chengaokhen? Ngei khüei yaongaokhen mi yombü üpa nyüpa?

EZEKIEL 43:19

nüngi Levi am ngongpathü Zadok am shem ngei chongphonüng ngei yopailei heihpüthü kü mang moila shuohhen mohohbaong hük shuohtuh.

EZEKIEL 45:4

Hapayü kahmük kü daülangpü shing, phopshemei Shembüpa chongphopü ngongpathülei phaihan vaihen; hapayü jomi shem vehen shing hatü phopshem shemshing vaihen.

MÜLANGPÜ 28:41

Hathü owhiai anjei Aaron hatü chehathü kü oweishuoh, hatü jomi ngei kü ngongpathü vaishi chongphohen shingvaishi lanei shuoh-ei mainga-i nyioei daühütuh.

MENVIH KESHO 115:10

Oh Aaron am phang, Shembüpa kü hinglemtuh! Büpayü jomei sheühbü hatü inyüshung.