BHEI-IE 15:3 - DAÜLANGPÜ LAIHING (BSI)

³ ammi mohoh nevaijü mi yah-ei Shembüpa kü vong meipü bühen shingvaishi jakpü moila nevaijü hayaoha vangpüshuwpü moila nevaijü mongong moila nevaijü mohitap moila aw kü jakei shuohtuh.

BHEI-IE 15:3 Referans Kwoze

MÜLANGPÜ 29:18

Mi büm kemei moidü shangei jakei moila shuohtuh; hapayü Shembüpa kü jakpü moila nyüke; hapayü Shembüpa kü vong meipü aw kü jakpü moila shuohpü nyüke.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

BHEI-IE 28:27

Shembüpa kü vong meipü jakpü moila mohohbaong nyi, kawhikang neshiüpü mi chebaongha hük hatü bong hük lompü mi chebaong nyet moilatuh.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

LEVI 27:2

“Israel am kü hapakei etuh” shei e: Shennyak hanei-i Shembüpa kü büpa kü shangpü bhei shuoh-ei daühühen hayaoha vangjema,

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

SHAHKÜP 12:17

Amphongi moilapü hahying, ankhong moila, yiü, olive mainga, nevaijü shongei shaanpü mohoh hatü mi, nevaijü Shembüpa kü shuohhen shei lahpü moilathü, nevaijü ammei mongongpü moila hatü lebü moilathü peü am nyushingei nehahhen.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 12:6

Hatouei ammei jakpü moila hatü lebü moilathü, ammei ankhong moila hatü mongmei moila, ammi shuohhen shei lahpü moilathü, ammei mongong moila hatü shongei shaanpü mohoh hatü mi chehathü hatou shingei koei peihen.

BHEI-IE 29:8

Shembüpa kü vong meipü jakpü moila mohoh chebaongha hük, mi chebaongha hük, hatü kawhikang neshiüpü bong hük lompü mi nyet shuohtuh.

LEVI 10:13

Hapayü daülangpü shingei hahtuh; mehenangkü hapayü Shembüpa kü aw kü jakei moilapü kübü nüng hatü anhathülei phaihan nyüke; mehenangkü hapakei dükhen ngei kü ephopeih” shei e.

LEVI 7:16

Shennyak hanei-i büpai lahpü kü jiühüei nevaijü mongongpü moila shuohjema, hapayü büpai moilapü nyih hahhen, shejao aopü nyeipü neppheiyao hahhen.

MÜLANGPÜ 29:41

Hükpa mi om mü moilatuh, hatü dhom mü shuohpükei wheat aung, olive mainga, hatü yiü moila shuohtuh. Hapayü Shembüpa kü vong meipü aw kü jakei shuohpü moila nyüke.

MÜLANGPÜ 29:25

Hatü nüngi jomei lak leipü hapa yah-ei Shembüpa touei vong meipü vamhühen shingvaishi jakpü moila mü moidü shangei haütü jaktuh; hapayü Shembüpa kü vong meipü aw kü jakpü moila nyüke.

2 KORINT 2:15

Mehenangkü jenphongü yangpüthü touei hatü mahpüthü touei Kahvang kü Khristalei vong meipü meli nyüke.

2 KORINT 2:16

Mahpüthü touei dibenüng koei peipü dibenüng shie, hatü yangpüthü touei jenphongü yangnyu koei peipü vong meipü yangnyu meli. Hathü dou dükhen üpa changpüshapü nyüpa?

MENVIH KESHO 54:6

Ngei mongongpai nüng kü jakpü moila shuohhen; ngei nüngei men vihhen, Oh Shembüpa; mehenangkü hayü meiangpeih.

BHEI-IE 6:15

Ha mü chemi jomi hahying moila, yiü moila, daw neshih-i lingpü aan mühdow hük, atta hatü olive mainga nyi nyettü lingpü aan, hatü olive mainga nyettü oukpü baünyangpü aan koei peiyei moilahen.

EZRA 7:17

Nüngi hathü lopi mohohbaongthü, mi chebaongha, hatü mi chebaongthü mü hahying moila, yiü moila shaktuh, hatü Jerusalemei Kahvang phopshem moidü shingei hathü moilatuh.