BHEI-IE 14:3 - DAÜLANGPÜ LAIHING (BSI)

³ Mih-ei lak kü dihen mü Shembüpai mehekei ham hapa kahdokei müei daipa? Hamei nyühihathü kemei vepathüi shetei lüdaihen khih. Ijiplei nyokei leidaijüang meihen khih!” shei eteke.

BHEI-IE 14:3 Referans Kwoze

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

MENVIH KESHO 78:40

Meshükpa jomi jahpanei büpa khüei yaong, hatü büpa mongshanghüpa!

PHONGSHANTHÜ DOU 7:39

Jenei bühipathüi büpai epü banghen nemong; ha nangjei, jomi büpa hungei deitük, hatü jomei mongei jomi Ijiplei nyokei leidai.

MÜLANGPÜ 5:21

hatü jomphongi jiji kü, “Anji-i dükpü dou Shembüpai nyem-ee, hatü anji kü shah nyemphen! Anjinyi-i Pharaoh hatü büpalei lakchongbüthü tou kü ten vamhüteke, hatü ham jühen jomei lak kü yanlu shuohteke” shei eteke.

MÜLANGPÜ 16:3

Israel ami jijinyi kü, “Ijip kahdokei nyuyaki-üng Shembüpalei laki ham jütüklangmeyü shei deihpeih. Halei vailangmeyü phaidük touei uotü hami lümpü lümpü peü moh-ei hahhen vaipeih; shejao anjinyi-i khong kemei shüaeiyunglepai dihühen müei daipü khih” shei eteke.

BHEI-IE 16:13

Amma hatü nyahjiü yenpü kahdok leipü jahpanei ham dihününg müei daipaiyao nüng kü mongnehamang je? hatü shaangao nüngü ham shak kü shembü vaihüpü je?

BHEI-IE 20:3

Jomi Mosa mü deyei, “Jempü jeihinaü ashakshem shadenei Shembüpa touei dipü nyih didailangmeyü meihah shepeih!

BHEI-IE 21:5

hatü Kahvang hatü Mosa nyi khüei, “Jahpanei dihününg mehekei Ijip leipü ham müei daipa? Hahying neshiü! yinghen yung neshiü! Henüng nemeipü hahyingi tengteke” shei eteke.

SHAHKÜP 1:39

Maanpü hashihthü vepathüi wüpei küplanghen khih shei amphongi epüthü, üam mang hi mei shao mangnying, hathüi hapa kahdokei shüaokhen. Ngei jom kü hapa kahdok shouhhen, hatü jomi hapa kaamlanghen.

BHEI-IE 11:20

shejao lenyang hük kemei ammei shuonghiju kü yenshi, hatü mangteng thahshi hahhen. Mehenangkü ammi am mü nyupü Shembüpa yakphong, hatü, “Ham Ijip leipü mehekei layaongei daihahpa?” shei büpa kü eelaei eteke.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

JEREMIAH 42:14

hatü ‘Anyoh, ham Ijip kahdokei leiyei vehok hatü vehok amit ngeü nedanpü, nevaijü aeipülepü neshiüpü shingei leidaihen’ shei ejema,

JEREMIAH 42:19

Shembüpai am kü, “Oh Judah am aopüthü, am Ijiplei teyiü. Ngei shinnyih am kü shuohpü shahvüng homei,