BHEI-IE 12:8 - DAÜLANGPÜ LAIHING (BSI)

⁸ Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

BHEI-IE 12:8 Referans Kwoze

SHAHKÜP 34:10

Israel kü Mosa kei thibü üpayao nevamangpih; Shembüpai büpa mü dhe dhe gongei eteihampeih.

1 KORINT 13:12

Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

MÜLANGPÜ 33:23

Hapheikü ngei ngelei lak nolanghen, hatü nüngi ngelei ngaümphei eehen, shejao ngelei dhe ne-eehen” shei eteke.

MÜLANGPÜ 33:11

Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

JOHAN 15:15

Ngei hajük kü amphong kü aathü shei nenyüknyih; mehenangkü shembüi mehe düknya, ha aa hüki nenyingnyih; shejao ngei am kü küphüthü shei nyüknyeih; mehenangkü ngei Opa leipü danpü peü ngei am kü nyinghütepih.

2 PETER 2:10

anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

JOHAN 15:24

Üpaiyao mangdükpü dou ngei jomphong touei nedüklangmeyü jomi mang nethahhah shepeih. Shejao shaang jomi ha eeteke, hatü ngei hatü Opa henjiphen kü jiühitnyüke.

MENVIH KESHO 17:15

Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.

JUD SHAHSHA APPÜ 1:8

Hapa aihük mü hathü mangh manghteipüthüi laophülei büm sheihtüknyüke, Kahvangei wong kü ne-ienelemnyu, hatü vangsho leipüthü kü yaünyüke.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

MATHI 13:35

Hapayü thibü homei epü jiühühen shingvaishi vamteke: Ngei shahlapi ngelei ju aphen, kahdoknyü linghinüng joshi nyupü douthü jung ehen.

EZEKIEL 20:49

Hahepak kü ngei, “Oh Shembüpa Kahvang, ngeiyü düngei shahlap mon enyüke shei jomphongi ngei kü enyüke” shei eteke.

EZEKIEL 17:2

Oh shennyak ha, Israel am kü shahlap hük eyeishuoh.

ISAIAH 46:5

Ngei mü hükkei leihühen amphongi ngei üpa mü sheteiphenhen? Hatü ngei mü shetteihen nangkü ngeiyü üpa kei khih shei ehen?

ISAIAH 40:18

Nüngi Kahvangü üpa mü shetteiaokhen? nevaijü büpayü mepa mü sheteiphenaokhen?

MENVIH KESHO 49:4

Ngelei dhaong kandok shah philei meehen; harp vüngei phehen nyupü shahjo kemei nihhen khih.

SHAHKÜP 4:15

Aw kübü vamei Shembüpai am kü Sinai Kahshangei shah epü nyih amphongi büpalei büm ne-ee.

MÜLANGPÜ 20:4

Ammi am shingvaishi vangsho leipü nevaijü kahdoknyü leipü nevaijü yungmong leipü, kahdok mong leipü lemphüli mepakeiyao lajei teling.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

BHEI-IE 14:14

hatü jomi ha jung hapa kahdokei nyupü shennyakthü kü etükkahen khih. Oh Shembüpa, nüng ham mü nyüke shei ha shennyakthüi danlangteke, hatü Oh Shembüpa, nüngei phum ham shak kü jümshi nyushingkü dhe dhe gongei eeteke, hatü nüngi ham shekü nyihnüng phum shemnyüi, hatü yanüng aw shemnyüi müteke.”

MÜLANGPÜ 34:30

Mechem Aaron hatü Israel ami Mosalei dhe nyapü eepa, jomi büpa yopailei heihhen nyem.

MÜLANGPÜ 33:19

hatü Shembüpai, “Ngei nüng touei ngei meipü peü peih-ei deiphahen, hatü nüng touei ngelei menü, ‘Shembüpa’ shei baonghen, hatü ngei am kü phahjihen hatü shinshanghen.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

SHAHKÜP 5:8

Ammi am shingvaishi lajei vangsholei nyupükei, nevaijü kahdokei nyupükei, nevaijü yungmongei nyupükei mepayao teling.

KANDOK 1:6

Kandok hatü shahlapthü, hatü nahpülangpüthüi epü chüpü shahjothü nyinghenshingvaishi;

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

MÜLANGPÜ 19:19

Amit ngeü longpüba, longpüba vüngshingkü, Mosai eteke, hatü Kahvangi vangteng mü jangteke.

BHEI-IE 7:89

Mechem Mosai ashakshem mongei Shembüpa mü shah eteihen shüpa, büpai Vangpüshuwpü Pela shang kübü cherubim nyi aa kübü ngeü vamei Shembüpai büpa kü eshuohpü büpai dan, hatü büpai Shembüpa mü shah etei.

SHAHKÜP 18:15

Shembüpa, ammei Kahvangi am shingvaishi ammei nanglak khong kübü ngei keipü thibü hük shomphahen. Amphongi büpa kü bangtuh.