BHEI-IE 12:2 - DAÜLANGPÜ LAIHING (BSI)

² Jijinyi-i, “Shembüpai Mosa homei mon enyu je? Büpai henji homei shah ne-enyu je?” shei e, hatü Shembüpai ha dan.

BHEI-IE 12:2 Referans Kwoze

BHEI-IE 16:3

Jomi Mosa hi Aaron nyi khüei khong lingtü peiyei jiji kü, “Anjinyi ahshi beiteke! Khong hatü nyülompaja peü daülangi nyüke, hatü Shembüpa jom mü nyüke. Mehekei anjinyi-i Shembüpalei nanglakthü dok kü aongnya?” shei eteke.

PHILIPPI 2:14

Dou peü nenümnümi hatü shah nelahtei-i düktuh,

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

MIKA 6:4

Ngei amphong Ijip leipü müei leipeih, hatü ngei am aa laphen kübü angei leipeih. Ngei am mülanghen Mosa, Aaron hatü Mariam shompeih.

ISAIAH 37:4

Assyria ongpai büpalei veshan mübü shomei vanyangyem Kahvang kü eelapü büpai danei nyüke; Shembüpa, nüngei Kahvangi ha shahthü danei hanghi nyemshuoh. Hanangkü shaang yangei aoei nyupüthü shingvaishi phoptuh” shei e.

ROM SHAHSHA APPÜ 12:10

Aihük bamteipai hüki hük mü bamteituh; dhüm huteipü kü hüki hük mü nyeipüba nyutuh.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

BHEI-IE 11:1

Shaang nanglakthüi jom shangpongpü nangkü Shembüpai danshi eelateke. Mechem Shembüpai hapa danpa, büpa mongshih, hatü jomphong kü aw shom, hatü baümtap jung phihük awi hahtük.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

2 SAMUEL 11:27

Mahng theppü dohpheikü Davidi pinnyü shemei müei lei, hatü pinnyü büpalei shembünyü lei, hatü yeshang hük büh. Shejao Davidi dükpü doui Shembüpa mongmanghü.

BHEI-IE 11:29

Shejao Mosai büpa kü, “Ngei leimao nüngi ha kü mükhühpü je? Shembüpalei nanglakthü kemei thibüthü kei hatü Shembüpai jom peü kü büpalei laangha nyemshuohkei shei ngei deihnyeih” shei e.

ROM SHAHSHA APPÜ 12:3

Mehenangkü ammi deihhen jiüpü mü nyeishi laophü nyingi longi shaoshi tedeih shei ngei kü shuohpü phahji homei ngei am peü kü enyeih, shejao Kahvangi shuohpü hinglempü kü shettü ha aimü jiüshangpü shahphen yahhen deih-ei dangtuh.

KANDOK 13:10

Changmeipai dehilao vamhünyeih, shejao mih-i venpü yahpüthü mü kihikon nyüpeih.

MÜLANGPÜ 7:10

Hanangkü Mosa hi Aaron nyi-i Shembüpai epükei Pharaoh touei peiyei dük. Aaroni Pharaoh hatü büpalei lakchongbüthü touei peiyei dükteke. Aaroni Pharaoh hatü büpalei lakchongbüthü touei büpalei lenshuoh shük, hatü hapa biü hük lei.

MÜLANGPÜ 5:1

Hapheikü Mosa hi Aaron nyi Pharaoh ongpa touei peiyei, “Jahpanei jomi ngei kü mohitap linghen shingvaishi ngelei nanglakthü leishihtuh shei Shembüpa, Israel amei Kahvangi hapakei enyüke” shei e.

KAHBHAO 29:33

Shao pinnyüi büm nekongi lei, hatü yeshang hük büh, hatü pinnyüi, “Ngei kü nebamnyu shei Shembüpai danpü nangkü büpai hayao ngei kü shuohpeih” shei e. Hanangkü pinnyüi naü kü Simeon shei men.

MÜLANGPÜ 4:30

Shembüpai Mosa kü eshuohpü shahthü peü Aaroni ejateke hatü nanglakthü tou kü yashanpü douthü dükteke.

BHEI-IE 12:3

Shaang Mosayü longi nenteiaokpü shennyak, kahdoknyü kü nyupü shennyak peü mü nenteiaokpü shennyak nyuteke.

MÜLANGPÜ 4:14

Hanangkü Shembüpai Mosa kü mongshih, hatü, “Levi am phang kübü anjei Aaron mekeiang? Büpai shah meishi eaokkahen shei ngei nyingei nyüpeih. Hingmei, shaang büpa nüng mü pongteinüng peikünyüke hatü büpai nüng eejü mongongkahen.