BHEI-IE 10:9 - DAÜLANGPÜ LAIHING (BSI)

⁹ Mechem ammei kahdokei am khüei yaongpü vepa mü thepju kü yaonghenshang, hapa amit vüngtuh. Hahepak kü Shembüpa, ammei Kahvangi am deih-ei danghen, hatü vepathü lak kübü am yanglanghen,

BHEI-IE 10:9 Referans Kwoze

1 SAMUEL 10:18

büpai jomphong kü, “Shembüpa, Israel Kahvangi hapakei enyüke: Ngei Israel am Ijip leipü müei leipeih, hatü ngei Ijip amei wong hatü am kü shüveipü ongchingthü peü leipü ngei am yangpeih.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

KAHBHAO 8:1

Shejao Kahvangi Noah hatü büpa mü jahas mongei nyupü yemhimakthü deih-ei dang, hatü Kahvangi vanglük lükhüei yung jepei leishih.

MENVIH KESHO 106:42

Jomei vepathüi jom kü shüvei, hatü jomphongü jom phang kü tuh.

MENVIH KESHO 106:4

Mechem nüngi nüngei nanglak kü bampü huhen, ngei deih-ei dangtuh, Oh Shembüpa; jom yangshingkü ngei kü sheühhen deihhahte.

2 SHÜPPÜKENGPÜ 13:14

Mechem Judah am shinei veipa, vepathüi jom shonlangtü ee. Jomi Shembüpa kü len, hatü ngongpathüi amit vüng,

SHAHPHENBÜTHÜ 10:12

Sidon am, Amalek am, hatü Maon ami amphong kü shüveipa, hatü ammi ngei kü nyükshingkü ngei jomei lakmong leipü am neyangangpü je?

SHAHPHENBÜTHÜ 10:8

hatü jomi hapa vangbong Israel am ngümei hanghi shuoh. Amor kahdok Jordan heongphi Gileadei nyupü Israel am kemei kü vangbong anpüshet thahshi hanghi shuoh.

JOSHUA 6:5

Mechem ngongpathüi yüluei amit vüngpü danhenshang, nanglakthü peüi wongmü lenhen, hatü Jeriko chingnyü bham laamkahen, hatü veshanthü peü jiüshangi chingnyü mongei shühen” shei eteke.

BHEI-IE 31:6

Mosai Eleazar ngongpalei chepa Phinehas, üpai daülangpü shing leipü amit vüngei shah baonghen dousho yahpa, büpa mütü jom vehokei shom.

1 KORINT 14:8

Amit ngeü lekei nevüngjema, üpai vehokei daihen temhen?

AMOS 3:6

Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

JEREMIAH 6:17

Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

JEREMIAH 4:21

Meshük lushi ngei vehok vampü eehen? hatü amit vüngpü ngeü danhen?

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

JEREMIAH 4:5

Judahlei leneishuoh, Jerusalemei baongeishuoh, Kahmük kempülei amit vüngtuh, wongmü lenei etuh, “Thaikemtuh, hatü penyü showtükpü chingnyü mongei shütuh” shei etuh.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

ISAIAH 18:3

Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!

MENVIH KESHO 136:23

jen bhihhah yungying shingkü jen deih-ei dangpeyü büpa hih, büpa bampü den kü nyunyeih;

SHAHPHENBÜTHÜ 6:34

Shembüpalei laangha Gideon kü pei, hatü büpai amit vüngei Abiezer am phang büpa phei mühen nyük.

SHAHPHENBÜTHÜ 6:9

ngei amphong Ijip amei lak kübü, hatü am kü shüveipüthülei lak kübü yangpeih hatü ngei jom changtüktü am kü hapa kahdok shuohpeih.

SHAHPHENBÜTHÜ 3:27

Mechem büpa om leipa, büpai phaüshang kahmük Ephraimei amit vüng, hatü büpai mütü Israel am kahshang leipü leiteke.

ZEPHANIAH 1:16

Penyü showtükpü chingnyüthü, hatü veyomdü khüei amit vüngpü, hatü veshanthü hok chengpü nyih hük vaikahen.

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

EZEKIEL 7:14

Jomphongi amit vüngtü lemphü temlangmao, üpaiyao vehokei nedaihen; mehenangkü ngelei mongshih peü kü nyuhen.

JEREMIAH 6:1

Oh Benjamin nanglakthü! Jerusalem leipü yanglem yemei nyaidaituh! Tekoalei amit vüngtuh, Beth-Hakkeremlei nyangeihepü aw hük shuohtuh! Mehenangkü apshaphi leipü shanghah hük vamkünyüke, nyemshi mangtükhen hük peikünyüke.

LEVI 23:24

“Israel am kü, lenyang nyetpabü shongpü nyih kü, ammi nyiumeipü nyih hük themhen, hatü mechem amit vüngkahen, khümnüng thaihen.

2 SHÜPPÜKENGPÜ 13:12

Kahvangü ham mü nyüpeih; büpayü hamei lem mübü. Büpalei ngongpathüi amit vüngei nüng khüei thep nyükhen. Israel shennyakthü, Shembüpa, ammei bühipa Kahvang khüei tehok; ammi neaokpih” shei eteke.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.