AMOS 9:8 - DAÜLANGPÜ LAIHING (BSI)

⁸ Hingmei, Shembüpalei müki nemeipü Israel ongching kü veishi nyüke, hatü jom kahdok shak kübü mahtükhen, shejao Jakob am phang chemjalak kü nemahtükhen, shei Shembüpai enyüke.

AMOS 9:8 Referans Kwoze

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

AMOS 9:4

Vepathüi jom wüpküpei yah-ei daijao, haleipao ngei jom jühen ngeükhüam shuohhen. Ngei mei shingvaishi nevai, shejao ten shingvaishi ngei jom kü mük neshai-i veihen.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

JEREMIAH 5:10

Pinnyülei nyalingngupai kahlei aongei hathü mangtüktuh, shejao peü payü temangtük; kaothü kemei louhtüktuh; mehenangkü hathüyü Shembüpalei nevai.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

HOSEA 1:6

Gomer shao büm nekongi lei, hatü yiükha hük büh. Shembüpai Hosea kü, “Pinnyü kü Lo Ruhamah shei mentuh; mehenangkü ngei hajük kü Israel nanglakthü kü nebampih, hatü jom kü mang netükpih.

KANDOK 15:3

Shembüpalei müki lemphüli eenyüpeih; ten hi mei lemphü kü veishi nyunyüpeih.

KANDOK 5:21

Mehenangkü shennyak hükei lemthü kü Shembüpai veinyüpeih; hatü büpai lemthü peü dokei veinyüpeih.

1 ONGPATHÜ 13:34

Hapayü Jeroboam am shemei mang, hatü hapai büpalei ongching kahdok shak kübü dohtükpeih.

SHAHKÜP 6:15

Mehenangkü Shembüpa, am mü nyupü ammei Kahvangü mükhühpü Kahvang, hatü am khüei büpa mongshih vamkahen, hatü büpai hapa kahdok kübü am mahtükhen.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

KAHBHAO 7:4

Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e.

KAHBHAO 6:7

Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

AMOS 3:12

Mi yombü hüki shahnyüi hahtükpü mi hükei la nyi nevaijü dhaong hük dangpü keiha, Israel am Samarialei nyupüthü üami uoshing phangei peekshi, hatü lüng phangei lemshi johen, jom mon yanghen.

AMOS 7:17

Hanangkü Shembüpai hapakei enyüke: “Anyühayü chingyangshongei büm yupü am leihen, hatü nüngei hapeüthü vehokei mahhen. Nüngei kahdokü hantü mih kü shuohtükhen, hatü nüngü kung kahdokei dihen. Hingmei Israel am laophülei kahdok tuhtü wüpküpei daihen.”

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.