AMOS 9:14 - DAÜLANGPÜ LAIHING (BSI)

¹⁴ Ngei wüpküpei lüdaipü ngelei Israel nanglakthü müei leihen. Jomi bentükpü chingnyüthü ja lingei leihen, hatü halei chingchingei nyuhen. Jomi nyalingngupai sheihen, hatü haleipü yiü yinghen. Jomi pe showhen hatü haleipü betjük hahhen.

AMOS 9:14 Referans Kwoze

ISAIAH 61:4

Jomi aivang den mebü bentükpü, hatü den luangi lavüngtoiyei yakphongpü chingnyüthü neyei lingei leihen.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 30:18

Shembüpai hapakei enyüke: “Ngei ngelei nanglakthü jomei kahdokei leishihhen, hatü jom nyushing peü kü phahjihen; Bentükpü shing kü chingnyü shao lingei leihen, hatü ongshem hapalei shing kü vehühen.

EZEKIEL 28:26

Jomi halei nyempü neshiüi nyuhen, hatü shem veyei nyalingngupai sheiyei nyuhen. Mechem ngei jom kü ne-ienelemi dükpü jatthü kü shahphenhenshang, jom halei nenyemi nyuhen hatü jomphongi ngeiyü Shembüpa, jomei Kahvang khih shei nyinghen.”

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

ISAIAH 65:21

Jomphongi bükhishemthü veyei halei nyuhen, jomi nyalingngupai sheihen, hatü haleipü betjük hahhen.

MENVIH KESHO 53:6

Oh Israel am shing yemleipeyü Zion leipü peikahen! Mechem Kahvangi büpalei nanglakthülei laphen lingei leihen, Jakob mongonghen, Israel mongmeihen.

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

EZEKIEL 16:53

Ngei Sodom am hatü jomei yiükhathü hatü Samaria am hatü jomei yiükhathü lomohpü shao nyipabü daeisheyei leihühen. Hih, ngei Jerusalemao daeisheyei leihühen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

ZEPHANIAH 1:13

Jomei mophimo aetlangkemhen, jomei shemthü bentükhen. Jomi shem vehen, shejao hapa kü jom nenyuaokhen. Jomi nyalingngupai sheihen, shejao ha kübü yiü neyingaokhen.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

MENVIH KESHO 107:37

Jomi sheili sheinyeih, nyalingngupai sheinyeih, hatü betjük meipü dangnyeih.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

JEREMIAH 23:8

shejao Israel hapeüthü apsha kahdok hatü büpai haitükpü kahdokthü leipü Israel am müei leipü vanyangyem Kahvang shei lahhen nyihthü ngoikünyüke shei Shembüpai enyüke. Hapheikü jomi jomei kahdokei nyuhen.

JEREMIAH 24:6

Ngei ngelei müki hathü kü mei shingvaishi veihen, hatü ngei hathü hapa kahdokei müei leihen. Ngei jom lingei leihen, shejao jom neshaaktükpih; ngei jom sheiphonghen, shejao nebhitükpih.

JEREMIAH 31:5

Shao ammi Samaria kahshang kü nyalingngupai sheihen; Kahling ami hathü sheiyei hapalei betjük kü mongonghen.

JEREMIAH 32:15

Mehenangkü Jeiyong Shembüpa, Israel Kahvangi hapakei enyüke: Hapa kahdok kü shao shemthü, kahthü hatü nyalingngupai kahthü shakhen.”

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 33:7

Ngei Judah hatü Israel am wüpküp leipü müei leihen, hatü shelei nyupükei lingei leihen.

EZEKIEL 37:21

hatü Shembüpa Kahvangi hapakei enyüke shei hathü kü etuh: Ngei Israel am jatthü touei yandaipü peü leihen, ngei jomphong peü lemeipü thaihen, hatü jomei kahdokei müei leihen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.