AMOS 9:10 - DAÜLANGPÜ LAIHING (BSI)

¹⁰ Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

AMOS 9:10 Referans Kwoze

AMOS 6:3

Ammi nemeipü nyihthü tailuei yaktüknyüke, shejao ammei doui nemeipü nyihthü yah-ei peihahnyüke.

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

MALAKI 3:15

Changmeipüthüang moihiman dangnyüke shei shaang jeni ehen mü hetteke. Douten dükpüthüang bamei shemmei leinyüke, shejao mechem jomi Kahvang mü dokteinya, jom-ang yangdainyüke” shei ammi enyüke.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

ISAIAH 56:12

“Peikei, yiü yemei leishah! jen peüi yiü chokshi yingshah! Ngenyih-ü shinnyihpü kei-üng chongkahen, ha mao meipüba chongkahen” shei peüi enyüke.

ISAIAH 5:19

Jeni eehen shingvaishi Shembüpai dükhen shei epü douthü shülangi nyingshah shei epüthü onyükei!

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

MENVIH KESHO 10:11

Büpai laophü nyingi, “Kahvangi ha betüktih; büpai laophülei dhe jümlangtü sheyü ne-eenyih” shei enyüke.

EZEKIEL 20:38

Amphong khong mü nyupü khüei yaongpüthü, hatü ngei khüei mang thahpüthü ngei shaaptükhen; jom benha kei nyupü kahdok leipü ngei jom mülanghen, shejao jom Israel kahdokei neshüaokhen. Shejüang ammi ngeiyü Shembüpa Kahvang khih shei nyinghen.

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

AMOS 9:8

Hingmei, Shembüpalei müki nemeipü Israel ongching kü veishi nyüke, hatü jom kahdok shak kübü mahtükhen, shejao Jakob am phang chemjalak kü nemahtükhen, shei Shembüpai enyüke.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

JEREMIAH 29:32

Shembüpai hapakei enyüke: Ngei Nehelam am Shemaiah hatü büpalei hühihathü hanghihühen; ngei ngelei nanglakthü kü mei dükpü eehen mü nanglakthü khongkü büpalei hühiha hükao yemmü netuhhen; mehenangkü büpai Shembüpa khüei yaongteke shei Shembüpai enyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.