8 Hapa nangkü kahdok nekheühen je? hatü halei nyupüthü peü mahng nethephen je? Kahdoknyü kemei Ijip leipü Nile yungyen keiha aongtü shü, aongtü shüei nyuhen.”
Shembüpa Kahvangi kahdok kü hongjü hapa nyaüdainyeih; Halei nyupüthüi mahng thepnyüpeih, hatü Ijip leipü Nile yungyen keiha kahdok kemei longei aongtü shemmei shünyüpeih.
Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.
Nile yungyen keiha Ijip am longei aongnyüke, yungyenthü keiha jom longei aongnyüke. Ngei longei kahdoknyü jümlangshah; hatü ngei chingnyüthü, hatü haleipü nanglakthü mahtükhen.
Hahepak kü kahdokü kheüei jen, kahshang chongnyiamthü kheüei jen, mehenangkü büpa mongshih anteke.
Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.
Hahepak kü Shennyak Ha nyangeihepü phumshangei vamhen, hatü kahdoknyü jatthü peü thephen. Jomi Shennyak Ha vangsho phumthü shangkü uotü ngan hatü müknyinshekhang longpü kü yiüpü eehen,
Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”
Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.
Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.
Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.
Nile yung longei aongpü keiha, yungnyüthü büng longpü keiha longpü üpaang?
Üpayao halei nenyuhen shingvaishi Babylon kahdok lavüngtoiyei tuhhen shei Shembüpai tempü küpjan eeyei kahdok kheünyüke hatü jennyüke.
Shejao bünghiyang kü yungnyü yungmok laongpü keiha büpai laophülei vepa Nineveh am chemjalak kü mahtükhen, hatü büpai laophülei vepathü vangnyakei changtükhen.