AMOS 7:6 - DAÜLANGPÜ LAIHING (BSI)

⁶ Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.

AMOS 7:6 Referans Kwoze

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

MENVIH KESHO 135:14

Mehenangkü Shembüpai laophülei nanglak dah shakhühen, hatü laophülei nanglakthü kü phahjihen.

MENVIH KESHO 90:13

Lepei leikei, Oh Shembüpa! Nüngei mongshih meshük lushi nyuhen? Nüngei chongphobü kü phahjishih.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

KAHBHAO 6:7

Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

AMOS 7:7

Büpai ngei kü shao hapa huphüteke: Vü shetei lingpü bham touei Shembüpai büpalei lakei vü hük notü yaongshi ee.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

1 SHÜPPÜKENGPÜ 21:15

hatü Kahvangi Jerusalem am mahtükhen vangsho phongshan hük shom. Vangsho phongshani hapa dou dükei nyushingkü Shembüpai hapa lomoh aühaü pongpü eeyei mong kü tüngei vei, hatü hapa nanglakthü jüpü vangsho phongshan kü, “Hajük-üng! nüngei lak teno” shei e. Vangsho phongshan hahepak keyü Jebus am Araunahlei hahten shingei yaongshi nyuteke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.