AMOS 7:14 - DAÜLANGPÜ LAIHING (BSI)

¹⁴ Amos-i Amaziah kü jangei e, “Ngeiyü thibü hükao nevai, nevaijü thibülei hapeüao nevai, shejao ngeiyü mi yombü hük, hatü bhukjük pü kah lingpü shennyak hük nyuhampeih.

AMOS 7:14 Referans Kwoze

AMOS 1:1

Hapayü Judah kü Uzziah ongpa hatü Israel kü Joashlei cheha, Jeroboam ong vaipü hepak kü pedi vükhen bong nyi shekü Israel am nangkü Tekoa am miyombü Amos-i eepü manghkhang nyüke.

ZEKHARIAH 13:5

shejao jomi, “Ngeiyü thibü hük nevaipih, ngeiyü vangsha am hih; mehenangkü hashih mebü kahdok kü ngüh-ei shünyü langei heihpeih” shei ehen.

2 ONGPATHÜ 4:38

Mechem Elisha Gilgalei nyokei leipa, halei kahmük kü shaühile nyuteke. Mechem thibüthü büpa mü uoshi nyupa, büpai büpalei chongphobü kü, “Düknyü longpü hük chantuh, hatü hathü thibü khong shingvaishi hao baüei cheütuh” shei e.

2 ONGPATHÜ 2:5

Jerikolei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nüngi nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

2 SHÜPPÜKENGPÜ 19:2

Hananilei cheha Jehu thibü büpa mü heününg peiyei ongpa kü, “Nüngü nemeipü am kü sheühhen hatü Shembüpa kü jiühitpü am kü bamhen je? Ha med kü Shembüpa mongshihpü nüng kü nyüke.

2 ONGPATHÜ 2:3

Bethelei nyupü thibüthü khong hük peiyei Elisha kü, “Shembüpai shinnyih nüngei shembü nüng toueipü yahlanghen shei nyingpü je?” shei phe. Elisha-i, “Hih, ngei nyingnyeih, shejao hapa jung telangmaankei” shei e.

1 KORINT 1:27

Shejao Kahvangi nahpüthü veühühen hapa kahdoknyü kü nenying nehingpüthü jepeih, hatü Kahvangi wong kohpüthü veühühen hapa kahdoknyü kü wong nekohpüthü jepeih;

2 SHÜPPÜKENGPÜ 20:34

Shaang Jehoshaphati dükpü lebü douthü chongpangpü kübü dohpü thahshi Israel ongthülei Büshah Laitap kü phaihan hük Hananilei cheha Jehulei Laitap kü nyangei nyüpeih.

2 SHÜPPÜKENGPÜ 16:7

Hahepak kü Hanani thibü-i Judah am Asa ongpa touei peiyei büpa kü, “Mehenangkü nüngi Shembüpa, nüngei Kahvang kü nevai, Aram amei ong kü mongnyangpü nangkü Aram am ongpalei veshanthü nüngei lak kübü yangdaiteke.

2 ONGPATHÜ 6:1

Shaang thibüthü khongi Elisha kü, “Veituh, hamphong nyupü shingü hamphong shingvaishi ahshi-üng shoshipangke.

2 ONGPATHÜ 2:7

Hapheikü thibüthü khong hük jom pinyipüanao jiji phei müei daiyei Elijah hi Elisha nyi Jordan yungyenei uopü shing kübü ajüki khaatei heihtü jomphongao uoteke.

1 ONGPATHÜ 20:35

Shembüpalei shah homei thibü hüki büpa mü nyupü thibü hük kü, “Ngei kü bheishih!” shei e. Shejao hapa shennyaki tah shei e.

1 SAMUEL 10:11

Mechem shelei büpa nyingei nyupüthüi büpa thibüthü mü tetshahvanshah eyei eepa, jom hüki hük kü, “Kishlei chehayü mehe heühahpa yo? Saul ao thibü leidaipü hiang?” shei etei.

1 ONGPATHÜ 19:19

Hanangkü Elijah hatoueipü daiyei Shaphatei cheha Elisha pongteke. Halei mohohbaong jora anpünyi han hokei chongjateke, hatü büpayü shompü anpünyipabü mohoh mütü han hokei nyuteke. Elijah-i büpa touei heihtü büpalei ashaki büpa kü ümteke.

2 ONGPATHÜ 2:15

Jeriko leipü thibüthüi tailei büpa eeyei, “Elijahlei ngan Elisha kü bakshi nyüke” shei e, hatü jomphongi büpa touei peiyei aümei sha.

JOB SHAHSHA APPÜ 30:4

Jomphongü phenlakvungpha shükei, alla hangha tünglang shüei hahhampeih.

AMOS 3:8

Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?