AMOS 7:12 - DAÜLANGPÜ LAIHING (BSI)

¹² Hahepak kü Amaziah-i Amos kü e, “Oh thibüpa, leidaituh! Judah kahdokei leidaituh! Halei leiyei nüngei shünyü lathahtuh, hatü halei teteivanei ejatuh.

AMOS 7:12 Referans Kwoze

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

MATHI 8:34

Hahepak kü ching am kemei Jisu mü pongnüng vamei dai, hatü mechem jomi büpa eepa, jomi büpa kü jomei kahmük kübü lüdaishih shei khümei eteke.

1 SAMUEL 9:9

(Shelei Israel leiyü, shennyak hük Kahvang kü lemhük phehahnüng daijema, büpai, “Kei, veibülei heihshah” shei ehamteke; mehenangkü shaang thibü shei nyükpü kü veibü shei ehamteke.)

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

PHONGSHANTHÜ DOU 16:39

Hanangkü jomphong peiyei jiji kü mang lah, hatü jomi jiji ngaiyei hapa chingnyü kübü lüdaishih shei e.

LUK SHAHSHA APPÜ 13:31

Hahepak kü-üng Pharisee am hanei peiyei, “Haleipü lüdaituh; mehenangkü Herodi nüng jühenja” shei büpa kü e.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

AMOS 2:12

Shejao ammi Nazirit am kü yiü yingshuohnyüke, hatü thibüthü kü thihivam shah te-ekei shei khüamnyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

ISAIAH 30:10

Jomi manghkhang eepüthü kü, “Hajük kü manghkhang te-ekei” hatü thibüthü kü, “Mehe jiü, hapa nang teteivanei te-ekei shei enyüke. Ham kü mongongbenüng mon eshih, mehe lekahen ha mon eshih;

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

1 SAMUEL 2:36

Hahepak kü aopü am shem am kemei peiyei büpa kü aümei shaei ngin pha hük nevaijü aan bhaok hük nangkü khümei, ‘Hahhen lemhük dangkao danghen shangmü ngongpalei dousho lemhük kü dangkao jeshih’ shei ehen.”

AMOS 7:11

Amos-i hapakei enyüke: “Jeroboamü vepalei lak kü mahhen, hatü Israel amü nyübüh kahdok tuhtü wüpküpei daihen.”