AMOS 6:3 - DAÜLANGPÜ LAIHING (BSI)

³ Ammi nemeipü nyihthü tailuei yaktüknyüke, shejao ammei doui nemeipü nyihthü yah-ei peihahnyüke.

AMOS 6:3 Referans Kwoze

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

ISAIAH 56:12

“Peikei, yiü yemei leishah! jen peüi yiü chokshi yingshah! Ngenyih-ü shinnyihpü kei-üng chongkahen, ha mao meipüba chongkahen” shei peüi enyüke.

EZEKIEL 12:27

“Shennyak ha, ‘Büpai eepü manghkhangü vangbong longi pheikü jiühen nang hih; büpai pheilei ngoikahen nang mon eenyüpeih’ shei Israel am phangi enyüke.”

2 PETER 3:4

hatü jomi, “Büpa yiükahen lahpü melei nyüpa? Jenei bühipathü dikemteke, shejao chongpangpülei lingpü lakshing lemphüli shaang thahshi dainyüke!” shei enyüke.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

MATHI 24:48

Shejao nemeipü chongphobüi, “Ngelei shembü hepak luangi nyutü leikahen” shei eshi,

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.

EZEKIEL 12:22

“Shennyak ha, Israel kahdokei amphongi, ‘Hepakü daikhan dainyeih, hatü tetpüvanpü kemei nejiüshasha hih’ shei eteipü kandok shah hayü meheang?”

SHAKEI VAMPÜ 18:17

Ghonda hük kü mopthü peü nyadaiteke!” shei ehen. Hahepak kü jahas shembüthü, yungchingei yen kü longteipüthü, jahas yüpbüthü, hatü yungchingei bhei leihpüthü peü tailuei yaonghen,

AMOS 6:12

Koyeithü yaongvak kü moknyu je? Shennyak hüki mohoh müshi yungching shangkü han hoknyu hiang? Shejao ammi shahhingü leü nemeipü leitük, hatü daülangshemshepü shahyakpü betjük leitükteke.

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

AMOS 5:12

Mehenangkü ammei mang meshük longpa ngei nyingei nyüpeih. Ammi daülangpüthü kü shüveinyüke, hatü yawhdou yahnyüke, hatü ammi shahphen shingei taopathü kü shahhing shahphenpü neshuohnyu.

ISAIAH 47:7

“Ngeiyü den kü onglanyü vaiyei nyuhen” shei deihpü nangkü ammei mongei ha nele, nevaijü mehe vamkahen ha deih-ei nedang.

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

MENVIH KESHO 94:20

Nemeipü vanglem lembüthü nüng mü mongjem pongaokhen je? Jomi shahshem shahkung lingnyüke.

YOUNG LAI 4:5

Chemü hetmeiyungma mon hahshi nyupüthü, shaangü aeipülepai chingshongei diyei nyüke; Chemü büm-ow meipai mon owtü longhahpüthü shaangü depla nyiotü nyüke.

EZEKIEL 23:42

Pinnyü shinei nehetpü khong hükei ngeü dan; yingnyü leipü khong longi yiüi chokdaitü müei lei, hatü jomphongi nyühathülei lak kü laktet hatü hathülei shangjing kü nethe meipü athen thenhüteke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”