AMOS 6:1 - DAÜLANGPÜ LAIHING (BSI)

¹ Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

AMOS 6:1 Referans Kwoze

JAKOB 5:5

Amphongü kahdoknyülei hüshemei mongong kü nyuteke; mohitap kü jühen tuhpü yem keiha am nyingi nitshüh-i leiteke.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

ZEPHANIAH 1:12

Hahepak kü ngei awdük noshi Jerusalem yemhen, hatü laophü kü laophüi mongnyangtü nyupüthü, hatü üamei mongkü Shembüpai mehe tenao meiyao nedükphapih shei deihnya, ngei jom kü shüveihen.

SHAHPHENBÜTHÜ 18:7

Hanangkü jom shennyak nga daiyei Laish ngoiyei veishuohshingkü halei nyupü shennyakthüyü Sidon am keiha chingmeivangmei kü nyempühanpü neshiü, kahmük kü taopü neshiü, mophimo-i maei nyuteke. Nyeinya vaishi jomü Sidon am mü longi taishi hatü lebü shennyakthü mü meheyao shenteipü neshiüi nyuteke.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

JEREMIAH 49:31

“Layaongtuh, hatü nyempü neshiüi nyiushem kü nyupü chingnyü hahtüktuh; Jomei ching kü penyüsha nevaijü bangpü meheyao neshiüi nanglak mon nyüke shei Shembüpai enyüke.

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

1 PETER 5:7

Ammei mongshang peü büpa touei tuhphongtuh; mehenangkü büpai am kü jungnyeih.

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

JEREMIAH 7:4

‘Hapayü Shembüpalei shem, Shembüpalei shem, Shembüpalei shem’ shei lueilempü shahthü kü hingtelem.”

1 ONGPATHÜ 16:24

Büpai Shemer leipü ngin haja vok shuohtü Samaria kahshang shakteke. Omri-i hapa kahshang kü chingnyü ling, hatü büpai hapa kahshang kü Samaria shei shongpü hapa kahshangei shembüpalei men menteke.

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

JEREMIAH 48:11

Moab amü panghinüng nyiushemmei kü nyuhampeih; Dük hük kübü hük shei necheitei-i dükshongei nyupü yiü keiha, chemao wüpküpei mangdai. Hanangkü büpa kü ngü meipü nemangdai, nevaijü hapalei vong büpü neyeiya-i nyüke.

MENVIH KESHO 123:4

Shemmeithüi ham kü yaüpü, changmeipüthüi ham vüshihpü munenei heihtepih.

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”

AMOS 5:27

mechem ngei am Damaska homei lebü kahdokei wüpküpei küphen müei daihenshang ammi hathü koei daihen, Shembüpa, üpalei men Jeiyong Kahvang nyüpa, büpai enyüke.

KANDOK 1:32

Mehenangkü kihikon kü venlepüthü laophü nyingi yemei dinyeih; Laophü kü laophüi monglempü ngapathüi mahpü pongnyüpeih.

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

JEREMIAH 5:5

Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

MIKA 3:1

Hathü ngei eteke: Bangtuh, amphong Jakob mübüthü, hatü am Israel phang kü vanglem lembüthü: Shahhing nyinghenü am shing nevaipü je?