AMOS 5:6 - DAÜLANGPÜ LAIHING (BSI)

⁶ Shembüpa yemtuh hatü yemmü nyuhen, hei nevaijema büpai Joseph phang khüei aw kei vamkahen, hatü üpaiyao hapa methen neshiüi Bethel hahtükhen.

AMOS 5:6 Referans Kwoze

ISAIAH 55:6

Shembüpa dangaokhen mü nyushingkü büpa yemtuh; büpa yopailei nyushingkü büpa kü nyüktuh.

AMOS 5:14

Am yemmü nyuhen shingvaishi ten nevai mei yemtuh. Shejüang ammi epükei Jeiyong Shembüpa am mü nyukahen.

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

ZEKHARIAH 10:6

Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.

AMOS 6:6

Ammi yiüshong maei yiü yinghünyüke, hatü peü mü meipü mainga nyiohünyüke, shejao ammi Joseph bhihdai maandaipü kü mong kü netüngnyu.

EZEKIEL 37:19

nüngi jomphong kü, ‘Shembüpa Kahvangi hapakei enyüke’ shei etuh: ‘Ngei Israel am jat lappü peshow yah-ei Judah am lappü peshow mü chemi hük leiyei haüphen, hatü henyiphen ngelei lakei hük mon leihen.

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

ISAIAH 1:31

Wong kohpüthüao phenha vanpü keiha vandaihen, hatü büpalei dou mü chemi awlah-i phenha van hahtükpü keiha, üpaiyao hapa aw nemetaoki hahtükhen.’ ”

1 ONGPATHÜ 11:28

Jeroboamü dou aokpü nethe hük nyu, hatü mechem Solomoni büpa dou dükpü eepa, büpai büpa Joseph am phang dou dükbüthü shak kü dou veibü vaihü.

2 SAMUEL 19:20

Ngei nüng touei mang thahteke shei nüngei chongphobüi nyingteke, shejao shinnyih ngei Joseph am shem peü kü shongpüba ngelei shembü ongpa mü pongteihen peikünyeih” shei e.

JOSHUA 18:5

Jomi kahdokü shing nyet vaishi hanhen, Judah amü jomei kahmük pehephi kü-üng nyuhen, hatü Joseph amü jomei kahdok apshaphi kü-üng nyuhen.

SHAHKÜP 4:24

Mehenangkü Shembüpa, ammei Kahvangü laiyeilungei hahpü aw, hatü mükhühpü Kahvang.

MÜLANGPÜ 22:6

Shennyak hanei-i laophülei kah kü aw hapshingkü phenha kü aw daiyei mih-ei kah leipü sheili kohpü nevaijü vetei bhongpü hahtükjema, aw happü shennyaki peü shemhen vongbong.

MENVIH KESHO 27:8

Ngelei mongdangi, “Nüngei dhe yemtuh” shei enyüke. Shembüpa, nüngei dhe ngei yemhen.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

AMOS 3:14

Ngei Israel am jomei mang nangkü hanghihüpü nyih ngei Bethel leipü moidü peü mangtükhen, hatü moidü leipü shongnyü douthü mangtükhen, hatü kahdokei dodaihen.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

SHAHKÜP 32:22

Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

MENVIH KESHO 69:33

Mehenangkü Shembüpai nehahneyingpüthüi phoppü dannyeih, hatü khoklatei küppü laophülei nanglak netuhphongnyih.

JEREMIAH 38:20

“Jomi nüng hapakei neshuohtükpih” shei Jeremiah-i e. Ngei mehe enya ha dükei Shembüpalei shah bangtuh. Shejüang nüng meishi nyuhen hatü nüng yanghen.

EZEKIEL 21:3

hatü pinnyü kü Shembüpai hapakei enyüke shei etuh: Ngei am khüei nyüpeih. Ngei ngelei yanlu nohen hatü am peü nemeipü meipü nyiphen jühen.