AMOS 5:5 - DAÜLANGPÜ LAIHING (BSI)

⁵ shejao ammi Bethel teyem, hatü Gilgalei tedai nevaijü Beer-shebalei teheih; Mehenangkü Gilgal-ü hingmei wüpküpei daihen, hatü Bethel-ü neshiüi kong leidaihen.

AMOS 5:5 Referans Kwoze

HOSEA 4:15

Oh Israel, nüngi mükbongjuyung düklangmao, Judah amao pungpü teleihü. “Amphong Gilgalei nevaijü Beth-Avenlei aongei tekhüm, nevaijü vanyangyem Shembüpa men kü tevangteshuw.”

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

AMOS 4:4

Bethelei daituh hatü mang thahtuh, Gilgalei heihtuh hatü nyeinya mang düktuh. Ammei jakpü moila nepjeih deikei, ammei ankhong moila nyih jem nyih jem kü deikei.

KAHBHAO 21:33

Abrahami Beer-shebalei tamarisk pü hük sheiteke, hatü Shembüpa, Nedohnetenpü Kahvang kü khümteke.

SHAKEI VAMPÜ 18:17

Ghonda hük kü mopthü peü nyadaiteke!” shei ehen. Hahepak kü jahas shembüthü, yungchingei yen kü longteipüthü, jahas yüpbüthü, hatü yungchingei bhei leihpüthü peü tailuei yaonghen,

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

1 KORINT 1:28

hatü Kahvangi hapa kahdoknyü kü nyupü douthü neshiüi leitükhen shingvaishi maanpü, hatü yaktükpü hatü nadang neshiüpü douthü jepeih.

AMOS 7:17

Hanangkü Shembüpai hapakei enyüke: “Anyühayü chingyangshongei büm yupü am leihen, hatü nüngei hapeüthü vehokei mahhen. Nüngei kahdokü hantü mih kü shuohtükhen, hatü nüngü kung kahdokei dihen. Hingmei Israel am laophülei kahdok tuhtü wüpküpei daihen.”

HOSEA 12:11

Gilgalei lajeithü khümnyüke; ha kü khümpüthü mahkemhen; Gilgalei jomi mohohbaong yah-ei ha kü jakpü moila shuohnyüke. Hanangkü jomei moidüyü koshoya kü yaong bhaongei tuhpükei mon nyukahen.

HOSEA 10:8

Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.

HOSEA 9:15

Jomei mang dou lemphüli Gilgalei chongpangpeih, halei ngei jom kü jiühitei deihpeih. Jomi mang dou dükpü nangkü ngei jom ngelei shem kübü changtükhen. Ngei hajük kü jom kü nebampih, jomei mübüthü peü ngei khüei yaongteke.

ISAIAH 29:20

Shüveidoideipüthü mahdaihen, mih kü ne-ienelempüthü nyadaihen, hatü üami ten kü veinya, mahtükkemhen.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

MENVIH KESHO 33:10

Shembüpai jatthülei küpjan kong leitüknyeih; büpai hangkuthülei mükhong bangtüknyeih.

JOB SHAHSHA APPÜ 8:22

Üami nüng kü jiühitnya jom hai danghen, hatü nemeipü amei shem mahdaihen.”

1 SAMUEL 11:14

Hahepak kü Samueli nanglakthü kü, “Kei, jeni Gilgalei aongei shao büpa ong vaihen shahbhawlaongvetshah” shei e.

1 SAMUEL 7:16

Bong ieyei büpai Bethel, Gilgal hatü Mizpah kü shinei shinei kam, hatü hathü shing peü kü vanglem lem.

SHAHKÜP 28:41

Ammi hapeüthü longi anghen shejao am mü nenyuaokhen; mehenangkü jom peü wüpei küplanghen.

KAHBHAO 21:31

Hanangkü hapa shing kü Beer-sheba shei nyüknyüke; mehenangkü jijiphen hatouei vangteiteke.

1 SAMUEL 8:2

Büpalei hashongpalei menü Joel, nyipabü hapeülei menü Abijah nyu, hatü jiji-i Beer-shebalei chongphoei nyu.

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

1 ONGPATHÜ 12:29

Büpai hapa Bethelei hük, hatü Dan kahdokei hük shei tuhteke,

AMOS 3:14

Ngei Israel am jomei mang nangkü hanghihüpü nyih ngei Bethel leipü moidü peü mangtükhen, hatü moidü leipü shongnyü douthü mangtükhen, hatü kahdokei dodaihen.

AMOS 7:10

Hahepak kü Bethel leipü ngongpa Amaziah-i Israel amei ongpa Jeroboam touei shahjang shom: “Amos-i nüng khüei Israel kahdok kü küpjan nemeipü lingnyüke. Büpalei shah-i kahmük tentükhen khih.”

AMOS 7:13

Hajük kü Bethelei teteivanei meheyao te-ekei; mehenangkü hatou shingü ongpalei daülangpü shing, hatü hapa ongchingei khümshem nyüke.”

KAHBHAO 26:23

Haleipü büpai Beer-shebalei aong.

KAHBHAO 26:33

Büpai hapa kü, “Shibah” shei men. Hanangkü hapa ching kü shaang thahshi Beer-sheba shei nyüknyeih.

JOSHUA 5:9

Shembüpai Joshua kü, “Shinnyih ngei am Ijiplei aa vaihampü mongmang yaktüknyeih. Hanangkü shinnyih mü leitü hapa shingkü Gilgal shei nyükhen” shei e.

2 ONGPATHÜ 23:8

Büpai Judah leipü ngongpathü peü müei dei, hatü ngongpathüi ayingshü jakei moila shuohteipü moidüthü peü Geba kübü Beer-sheba thahshi sheihtük. Chingnyülei shüshingkü laknyongphi lemei chingnyü kü governor vaihampü Joshua-i lingpü shadenei shüpü lem touei nyupü moidüthü peü bentük.

JEREMIAH 48:13

Israel ami Bethel kü hinglempü homei veü pongpü keiha Moab amao Kemosh kü hinglempü nangkü veü ponghen.

AMOS 1:5

Ngei Damaska penyüsha bentükhen, Aven kahji kü nyupüthü, hatü Beth-Eden kübü vanglem lempüthü changtükhen; hatü Aram shennyakthü Kirlei wüpküpei deishihhen shei Shembüpai enyüke.

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”