AMOS 5:22 - DAÜLANGPÜ LAIHING (BSI)

²² Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

AMOS 5:22 Referans Kwoze

ISAIAH 66:3

Üpai mohohbaong jüei moilanya, büpayü shennyak jüpü keipü hih, hatü üpai mi cheha moilanya, büpayü shi üng kü vetpü keipü hih; Üpai hahying moila shuohnya, büpayü ookei iy moilapü keipü hih, hatü üpai ayingshü jakei moila shuohnya, büpayü lajei kü khümpü keipü hih. Jomi laophüi lümpü lemthü jeteke, hatü jiühitnalaipü dou kü jom mongmeinyüke.

MENVIH KESHO 116:17

Ngei nüng kü menvihpü moila shuohhen, hatü Shembüpalei men kü nyükhen.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

LEVI 7:11

Hapayü shennyak hüki Shembüpa kü mongjempü moila shuohhen shahkungnyü nyüke.

MENVIH KESHO 40:6

Jakpü moila hatü moila nüngi nenanyu, yemhimak jüei jakpü moila, mang moila nüngi neyünyu, shejao nüngei shah banghen nüngi ngei kü dhaong shuohteke.

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

ISAIAH 1:11

Ammi moila hajükjük shuohpai shei ngei mehe vaihen? Moila shuohbenüng mithü, hatü het changshi üh-ei haümpü yemthü changtü nyeishi nyüpeih. Ngei mohoh chebaongei iy, mi iy, nevaijü yum iy kü mongneongnyih.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

JEREMIAH 7:21

Jeiyong Shembüpa, Israel Kahvangi hapakei enyüke: Ammei moilathü kü jakpü moilathü üeishuoh, hatü haleipü phai hahtuh.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

AMOS 5:23

Ngei toueipü kesho nyahhai ngeü yahlangshih, ngei ammei liping kongkoih ngeü nebanghüang.

MALAKI 1:9

Shaang, jen kü jangphahen shingvaishi Kahvang kü phopeishuoh. Henüng keipü moila shuohjü büpai am yahhen je? Büpai ammi phoppü kü nejangphapih, hatü hayü am pungpü vaikahen. Büpai am kü phahji huphahen je? shei Shembüpa Kahvangi enyüke.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.