AMOS 5:16 - DAÜLANGPÜ LAIHING (BSI)

¹⁶ Hanangkü Shembüpa, Jeiyong Shembüpa Kahvangi hapakei enyüke: Chingmuh chingshang peü kü theppü nyuhen, chingyangshong peü kü Onyükei, Onyükei shei lenhen. Young kesho eyei thepteipüthü mü kahling amao thephen nyükhen.

AMOS 5:16 Referans Kwoze

JOEL 1:11

Mongmangtuh, am kahling am, theptuh, am nyalingngupai kah lingpü am; wheat hatü barley hah shingvaishi mong yungtuh; Mehenangkü hahnyü dongchong kemei mangdaiteke.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

SHAKEI VAMPÜ 18:19

Jom thepei youngei nyushingkü jomi jomei shangjing kü kübhih mukei sheptü lenei hapakei ehen: “Onyükei, onyükei, longpü chingnyü, jahas angpüthü peü pinnyülei mopi shemmei leipüthü melei daipa! Mehenangkü ghonda hük kü pinnyü nyadaiteke.

SHAKEI VAMPÜ 18:10

Pinnyü ponghahpü eeyei jom tailei yaonghen hatü ehen: “Onyükei, onyükei longpü chingnyü, Babylon wong kohpü chingnyü! Mehenangkü ghonda hük kü nüng kü shahphenpü peiteke.”

MIKA 2:4

Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”

MIKA 1:8

Hanangkü ngei thephen hatü younghen; ngei labha-i hatü bümkong kamhen. Ngei mahu-i kei mahng thephen, hatü Ostrikh ou kei youngei nanghen.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

AMOS 5:27

mechem ngei am Damaska homei lebü kahdokei wüpküpei küphen müei daihenshang ammi hathü koei daihen, Shembüpa, üpalei men Jeiyong Kahvang nyüpa, büpai enyüke.

AMOS 3:13

Hapa bangtuh, hatü Jakob phang khüei denpü shuohtuh shei Jeiyong Shembüpai enyüke.

JOEL 1:14

Shüaeiyunglehen ngeükhüam shuohtuh; daülangpü thaihiyu hük nyüktuh! Behethü hatü kahmük kü nyupüthü peü Shembüpa, ammei Kahvangei phopshemei thaituh, hatü Shembüpa kü leneishuoh.

JOEL 1:8

Yiük phepü nethe didaijü nela-i dhoila ashak ümtü theppü keiha, amphong thepeiyoungtuh.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 15:8

Jomi vaüpü eepü Moab kahdok peü lemei dainyüke. jomi theppüyoungpü Eglaim, hatü Beer-Elim thahshi dainyüke.

2 SHÜPPÜKENGPÜ 35:25

Jeremiah-i Josiah kü mahng kesho hük ling hatü shaang thahshi nyüha baha kesho lokpüthüi jomei mahng kesho kü Josiah deih-ei loknyeih. Hapayü Israel kü bü vanglem hük leipeih hatü hapayü Mahng Kesho kü nyangei nyüpeih.

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.

HOSEA 4:3

Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

AMOS 8:3

Hapa nyih phopshemei lokpü haipeyü mahng theppü leihen. Shing peüei mahmahng longi nyuhen. Jomü lavüngtoipü shing kü yakphonghen.”

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.