AMOS 5:15 - DAÜLANGPÜ LAIHING (BSI)

¹⁵ Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.

AMOS 5:15 Referans Kwoze

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

MENVIH KESHO 97:10

Ten kü jiühitpüthü kü Shembüpai bamnyeih; büpa kü hinglempüthü büpai yangnyeih; büpai nemeipüthüleilak kübü yanglangnyeih.

ROM SHAHSHA APPÜ 8:7

Ha vaipü nangkü phai kü mong shuohpeyü Kahvangei vepa; hapai Kahvangei shahkung ven nebangnyu– hingmei büpai nebangaokhen,

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

MÜLANGPÜ 32:30

Nyihphei Mosai nanglakthü kü, “Ammi nyembenüng mang longpü thahteke. Shejao shaang ngei kahshangei Shembüpa touei aonghen; üpai nying, ammei mang tükeishuoh shei eshuohhen” shei e.

JONAH 3:9

Üpai nyingpa, Kahvangi büpalei mong jeileiyei büpa mongshih anpü doh-ei jen nemahtükhen aokpeih” shei e.

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

MENVIH KESHO 36:4

Jomi lüngei lemshi ten dükhen temhahnyeih; Jomi nemeipü lem peü temnyeih, hatü ten neyaktüknyu.

1 ONGPATHÜ 20:31

Büpalei lakchongbüthüi büpa kü, “Veihümao, Israel ongthü-ü phahji yahyang kohpü ongthü shei jeni danei nyüke. Hamphongi Israel ongpa touei shüng kü dhoila ashak, hatü shangjing kü vü hintü heihjashah; üpai nyingpa, büpai nüngei yangnyu yangphahen aokpeih” shei e.

ROM SHAHSHA APPÜ 7:22

Mehenangkü ngelei mong mongpalei ngei Kahvangei shahkung kü mongmeinyeih,

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

AMOS 6:12

Koyeithü yaongvak kü moknyu je? Shennyak hüki mohoh müshi yungching shangkü han hoknyu hiang? Shejao ammi shahhingü leü nemeipü leitük, hatü daülangshemshepü shahyakpü betjük leitükteke.

AMOS 5:10

Shahphen shingei shahhing ne-epüthü kü yeanpü shennyak kü ammi jiühitnyüke, hatü shahhing epü shennyak küang eelanyüke.

AMOS 5:6

Shembüpa yemtuh hatü yemmü nyuhen, hei nevaijema büpai Joseph phang khüei aw kei vamkahen, hatü üpaiyao hapa methen neshiüi Bethel hahtükhen.

JEREMIAH 31:7

Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”

MENVIH KESHO 119:104

Nüngei shahkungthü homei ngei kihikon dangnyeih; hanangkü ngei shahshem lem peü kü jiühitnyeih.

MENVIH KESHO 37:27

Mang kübü yantuh, mei düktuh; shejüang hapa kahdok kü am den kü nyuhen.

MENVIH KESHO 34:14

Mang kübü yantuh, mei düktuh; chingmei yemtuh hatü ha changei daituh.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

2 ONGPATHÜ 13:7

Hanangkü koyei veshan pinyipüan, koyei khari an, hatü la mü daiyei hokpü veshan haja an mü lenei Jehoahazlei veshan lebü ne-ao; mehenangkü Aram ongpai kübhih leishi shuopei mahtükkem.

2 SAMUEL 16:12

Shembüpai ngelei shanghah kü veihen hatü shinnyih ngei hapa thaüvaü dangpü shing lemhük meipü nyokei yahphahen aokpeih” shei e.

MENVIH KESHO 80:1

Hami epü banglangshih, Oh Israel Mi Yombü, mi khong keiha Joseph müpüba! Cherubim ong uoshing kü uopü nüngi;

DANIEL 2:49

Danieli ongpa kü yüpü nangkü Shadrakh, Meshakh, hatü Abednego jom peü Babylon ongching kü chinglingbüthü vaiyei tuh, hatü Daniel ongpalei ong uoshingei chongphoei nyu.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

JONAH 1:6

Jahas mübü longpübai büpa kü, “Nüng mepakei hajük shinya? Paotuh hatü nüngei Kahvang kü yangshih shei phoptuh. Üpai nyingpa, büpai jen kü phahjiei deihtü jen yangphahen aokpeih” shei e.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

MIKA 3:2

Ammi mei jiühitnyüke, ten küang bamnyüke; Ammi ngelei nanglakthülei shuw shaaknyüke, hatü jomei vang kübü phai nyiuktüknyüke;