AMOS 5:12 - DAÜLANGPÜ LAIHING (BSI)

¹² Mehenangkü ammei mang meshük longpa ngei nyingei nyüpeih. Ammi daülangpüthü kü shüveinyüke, hatü yawhdou yahnyüke, hatü ammi shahphen shingei taopathü kü shahhing shahphenpü neshuohnyu.

AMOS 5:12 Referans Kwoze

AMOS 5:10

Shahphen shingei shahhing ne-epüthü kü yeanpü shennyak kü ammi jiühitnyüke, hatü shahhing epü shennyak küang eelanyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

JAKOB 5:6

Am khüei neyaongpü daülangpüthü ammi nyonghüei jüteke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

AMOS 2:16

Hapa nyih, hampathü dangkao lakkong, hatü bümkong nyaihen shei Shembüpai enyüke.

YOUNG LAI 3:34

Kahdok kü khoklatei nyupüthü peü labha-i ngümtükhen;

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

ISAIAH 47:9

Shejao shaang-üng nyihcha mong aa kü hapa dou nyiphen vamkahen; Amphongi thihivam kü pheyeiyuei phongyomjao hathü nekomi peikahen.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

ISAIAH 29:21

Mih kü ühingpüthü, nemeipüthü kü hanghi shuohjü ha kü khüambakpüthü, hatü jiüpü shennyak meheyao ten neshiüpü kü nyongtükpüthü mahkemhen.

ISAIAH 10:2

Hapa keiha ammi taopathü kü jiüpü nedüknyu, hatü hanghipü ngelei nanglakthülei hean gühlangnyüke; hapa keiha vaümnyüthülei mophimo, hatü hashihhathülei douhinang gühlangkemnyüke.

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!

KANDOK 22:22

Taohahke shei nüngi taopa leipü aetei teyah, hatü shahphen shingei nüngi ne-angpüthü tengümtük.

JOB SHAHSHA APPÜ 31:21

shahphen shingei ngei khüambakhen nyüpeih shei ngei hashihha kü lak shih-ei nyujema;

RUTH 4:1

Hapheikü jila peshaden shahthai shingei aongei halei uoshi nyu. Mechem büpai epü showsheipü shennyak peijapa, Boaz-i, “Küphüpa, hatouei heihkei hatü uotuh” shei e. Hanangkü büpa heih-ei uoteke.

SHAHKÜP 31:21

hatü mechem shanghah longi jom kü peihen hapa kesho-i jom khüei denpü vaihen, jomei hühihathüi hapa nebetükhen. Shaang mebü ngei jom kü lahpü kahdokei müei mangpei shekü-üng jomi mehe dükhen shei deihnya, ha ngei nyingnyüke.

SHAHKÜP 16:18

Shembüpa, ammei Kahvangi am kü shuohpü jila ieyei kü shahphenbüthü hatü lebü lakchongbüthü jetuh, hatü jomi shahhing kü nanglakthü kü shahphenhen.

MENVIH KESHO 127:5

Laophülei lahhan duwlei lahhan maei nyupü shennyakü moihimanpü. Penyüshalei vepathü mü büpai shah dakteishingküneveühen.

KANDOK 17:8

Hanei ami yawhdou noteipeyü phongyomteipü keiha deihnyüke; hapai lemphü dükjahen shei hinglemnyüke.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

HOSEA 5:3

Ngei Ephraim am nyingnyüpeih, hatü Israel am ngei tou kü nejoaokpih; Oh Ephraim, am mükbongjuyung philei lepdaiteke, Israel am sheihdaiteke.”

AMOS 2:3

Ngei jomei ongpa mü büpalei lakchongbüthü peü jütükhen shei Shembüpai enyüke.

AMOS 5:7

Am shahhing nyongtükpüthü, hatü daülangshemshepü kahdokei yaktükpüthü.

AMOS 8:4

Hapa bangtuh, am nehahneyingpü hatü kahmük kübü taopathü kü la-i shouppüthü:

MÜLANGPÜ 23:3

Shahphen shingei ammi taopa kü baong hanei teno.

MÜLANGPÜ 23:6

Shahphen shingei ammi taopathü kü dah-i nyong teleihü.

JOB SHAHSHA APPÜ 20:19

Mehenangkü büpai taopa kü shüveiteke, hatü aeiyeileyei tuhphongteke.