AMOS 5:1 - DAÜLANGPÜ LAIHING (BSI)

¹ Oh Israel nanglakthü, hapa shah bangtuh, ngei am kü mangh kesho hük lokphanüng:

AMOS 5:1 Referans Kwoze

EZEKIEL 19:1

Nüngi Israel amei ongthü nangkü hapa young kesho loktuh,

JEREMIAH 9:17

Jeiyong Shembüpai hapakei enyüke: Mahng thepteipü nyühathü kü nyüktuh; thephen manshi theppü nyüyongthü nyüknüng shomtuh.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

MIKA 2:4

Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”

AMOS 5:16

Hanangkü Shembüpa, Jeiyong Shembüpa Kahvangi hapakei enyüke: Chingmuh chingshang peü kü theppü nyuhen, chingyangshong peü kü Onyükei, Onyükei shei lenhen. Young kesho eyei thepteipüthü mü kahling amao thephen nyükhen.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

AMOS 3:1

Oh Israel nanglakthü, Shembüpai Ijip leipü müei leipü jat kemei, büpai am khüei epü shah bangtuh.

EZEKIEL 32:16

Hapayü young kesho; ha lokhen: Jatthü kübü nyühathüi Ijip am hatü haleipü nanglakthü shingvaishi lokhen shei Shembüpa Kahvangi enyüke.”

EZEKIEL 32:2

Shennyak ha, Ijip am Pharaoh ongpa khüei young kesho hük ventuh hatü büpa kü hapakei etuh: “Jatthü khongkü nüngü mailang hük leshi nyüke; nüngü yungching mong leipü dragon hük keiha shohinga kü bheinyüke, nüngei la-i yung kü haonyüke, hatü yung mak dungei shanshihnyüke.

EZEKIEL 28:12

“Shennyak ha, Tyre ongpa kü mahng kesho hük lokeishuoh, hatü Shembüpa Kahvangi hapakei enyüke” shei etuh: “Chem nüngü den ngoipü kü lappü hük, kihikon hatü dhemeilaüma kü den ngoiyei nyuhampeih.

EZEKIEL 27:2

Shennyak ha, Tyre am kü mahng kesho hük lokeishuoh.

EZEKIEL 26:17

Jomi am kü hapa mahng kesho lokphahen: “Oh men-e chingnyü, nüng mekei yungching leipü mahdaipa? Chemü nüng hatü nüngei nanglakthüyü yungching shang kao am wong kohpü nyuhampeih; Halei nyupüthü kü ammi nyemshaohampeih.

EZEKIEL 19:14

Hapalei pübümnyü kü aw bah-ei pükao hatü betjük kemei hahtük. Hanangkü hapa kü wong kohpü pübümnyü neshiü ongpalei lenshuoh vaihen nemei-i leidai. Hapayü young kesho hatü hapayü düngei nohampeih.

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 9:9

Henüng douthü kü ngei hanghi neshuohhen je? hatü henüng keipü jathili kü ngei bhüh neyemhen je? shei Shembüpai enyüke.

JEREMIAH 18:13

Hanangkü Shembüpai hapakei enyüke: “Jatthü kü phetuh: Hapakei vampü üamiyao danlashang phetuh. Israel ami nyembenüng dou hük dükteke.

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”