AMOS 4:9 - DAÜLANGPÜ LAIHING (BSI)

⁹ Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

AMOS 4:9 Referans Kwoze

HAGGAI 2:17

Ngei ammi sheipülipü peü vanglük shami hatü shüyaongi mangtükpeih, shejoong am mong neleppeih.

SHAHKÜP 28:22

Shembüpai am kü thahteibenüng dinten, daopü poukpü hatü pheüi shanghahhühen; büpai am kü nyahpüshampü, üpüvanpü shomei ammei sheilivungla mangtükhen.

JOEL 1:4

Mepa haümmei hahpü shouki hahtü aopa, ha khongmü peipü shouki hahtük; mepa khongmü peipü shouki hahtü aopa, ha phaukei daipü shouki hahtük; mepa phaukei daipü shouki hahtü aopa, ha ngaüh-ei hahpü shouki hahtük.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

AMOS 4:8

Hanangkü jila nyi jem kübü jila hükei yung yemei longtei, shejao yungle meishi yinghen nedang, hapaiyao am ngei touei mong nelep shei Shembüpai enyüke.

JOEL 2:25

Ngei am khüei shompü ngelei veshan longpü, haümei hahpü, khongmü peipü, phaukei daipü, hatü ngaüh-ei hahpü shoukthüi ammei sheili peü hahtükpü nangkü ngei nyokei am kü shemhen.

JOEL 1:7

Hathüi ngelei nyalingngupai kah kowtük, hatü ngelei adhapüthü peü jangtükteke. Hathüi püshuw ngaüh-ei hahtük, hatü pükaobüm mon shotoh-i tuhphongteke.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

ISAIAH 1:5

Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.

2 SHÜPPÜKENGPÜ 6:28

Mechem hapa kahdok kü münghishaü, chamhilem, nevaijü sheili vungla diyei, mom aongei, shoukhanbaong nevaijü laonghiyak vamei sheilivungla hahtükhen, nevaijü vepa peiyei chingnyü hanei shümlanghen, hatü mehe shanghah vongshüh peihenshang,

1 ONGPATHÜ 8:37

Mechem kahdok kü shaühile nevaijü chamhilem, nevaijü aplük pelüki hahbongdongjük mangtükhen, nevaijü laonghiyaki nevaijü mechem nüngei nanglakthü jomei vepathüi chingthü hahhen, nevaijü mechem dinhiai nevaijü tüngpüaipü peihenshang,

SHAHKÜP 28:42

Ammei pü hatü sheilivungla kemei laonghiyaki hahtükhen,

ISAIAH 50:11

Shejao am peü aw jakpüthü, awjung hühteipüthü; Ammi jakhahpü awbhaong kü, hatü ammi jakpü awlom kü kamtuh. Ngelei lak leipü ammi hapa danghen, am hanghi kü lemshi nyuhen.”

HABAKKUK 3:17

Adhapü kü betjük nejükjao, hatü nyalingngupai kü betjük nejükjao; Olive pü kü betjük nejüklangmao, hatü kahdoki hahying nevamphüjao; mi khaok kü mi neshiülangmao, hatü mohoh khaok kü mohoh nenyulangmao;

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

HOSEA 11:5

Jom mong nelephüpü nangkü Ijiplei nyokei daihen, hatü Assyria amü jomei ong vaihen.

MALAKI 3:11

Yemhimaki ammei sheilivungla mangtükhen kübü ngei yangei tuhphahen, hatü ammei nyalingngupai kah kübü betjük niha mü nekaongdaipih shei Shembüpa Kahvangi enyüke.